الاثنين، 31 أغسطس 2009

خلصنا الباطنة ...الحمد لله



أخيرا
خلصنا سنة خامسة تقريبا
خلصنا الباطنة يا جماعة
أنا مش مصدق
بعد كل القلق ده خلصنا الباطنة
مش مصدق حد يفوقني يا جماعة لو كنت بحلم
بعد القلق والضغط العصبي خلصنا
بعد ما ضاع علينا أيام الرحمة لرمضان !!
خلصنا بعد ما اتبهدلنا بين النظري والشفوي والعملي
الحمد لله
كله بيعدي
وللعلم يا جماعة الباطنة مش فرع واحد ( باطنك بس!! )
الباطنة دي 14 فرع !!!
أفندم
أيو والله تخيلوا
كله بيعدي
طب هتعمل ايه دلوقت يا ضكتور ؟!!

هريح كدة يومين ولا حاجة وبعدين نعيل شوية (قصدي نذاكر أطفال )



وطبعا الاطفال هتبقى في العشرة الأواخر من رمضان
يعني رمضان ضايع ضايع معايا السنة دي !!!
دعواتكم

تعليقات: 15

-_- يقول...

الف مبروك

مي يقول...

الحمد لله ربنا معاك ويوفقك
الباطنة 14 فرع يالهوىىىىىىىىى
ربنا يستر على الباقى يادكتور
بس والله الاطفال هتبقى مذاكرتهم حلوة
ربنا معاك ومبررررررروك
كل سنة وانت طيب

دكـــــتور جدا يقول...

الدكتورة شارم
نورتني والله يبارك في حضرتك
معلمة المستقبل الاستاذة مي نورتني
وادعولنا كدة

عمرو سعد يقول...

ربنا يوفقك يا ضكتور وتبقى ضكتور جدااااااااااااا ، وتبقى عندك أحسن عيادة خاصة فيك يا مصر ... طبعا عشان مفيش توظيف في مصر المنهوبة... وربنا يسترها مع كل أبنائها النائمين واللي بيحاولوا يصحوا
دمت بخير ، ولك تحياتي ، وأسعدتني جدا بزيارتك الدائمة لمدونتي وللعلم أنا يوميا بأمر أمسي على حضرتك....

دكـــــتور جدا يقول...

أخويا الكريم عمرو سعد
دمت بخير
ورمضان كريم

sara draz يقول...

الف مبرووووووك
وربنا يسترها معاكم يارب
اكيييد اخرة التعب ده كله حاجة كويسة
وخلينا نبص للمستقبل اكتر ان بعد كدخ حضرتك هتكون
كتور كبير وليك شأن وتنفع امتك
وتحياتى اليك
:ورمضان كريم:

د/ أحمد لاشين يقول...

الف مبروك ياعم
بس انت في نعيم طبعا ان امتحاناتك في رمضان

ايوة في نعيم

بتصوم وبتاخد اجر المجاهدين

راجع كده احاديث طلب العلم
وجدد نيتك
وربنا يكرمك

ربنا ييسرلك وعينك يا اخي الفاضل

هديـــل الـروح يقول...

السلام عليكم ورحمه الله وبركاته ،،

ربنا معاك يا دكتور بجد أكتر ناس بحس إنهم بيتبهدلوا بجد طلبة سنه خامسه بس أكيد كل ده مش هيضيع هباء أجركم عظيم عند ربنا سبحانه وتعالى وإن شاء الله ربنا هيكرمكوا فى الأيام المباركه دى ...سنه خامسه فى طب المنصوره لا تزال فى أشهر المراجعه الآن الامتحانات بإذن الله فى شهر 10 يعنى بجد تحمدوا ربنا أهون من غيركم بكتير ..

دكـــــتور جدا يقول...

الاخت الكريمة ريحانة الاسلام
نورتي المدونة ويارب أبقى دكتور كبير
وربنا ينفع بنا ان شاء الله

دكـــــتور جدا يقول...

أستاذي الكبير الدكتور أحمد لاشين كلمات حضرتك بتصحيني وربنا ينفع بنا ويتقبل منا جميعا

دكـــــتور جدا يقول...

الدكتورة هديل الروح
أسعدني زيارتكم للمدونة
والحمد لله اننا في المنوفية بس للأسف من أسوأ الكليات
العبرة مش بالوقت العبرة بالتعليم الكويس والدكاترة المحترمين
دمتم بخير

د/ أحمد لاشين يقول...

يا افندم حضرتك اللي استاذي
علي فكرة احتمال انزل المنوفية قريب
هأعرفك ان شاء الله لو ربنا يسر
عايز اروح معهد الهندسة الوراثية بأفكر احضر عندهم ماجستير في molecular biology
خلال يومين ان شاء الله هأكون قررت
واعرفك بإذن الله

دكـــــتور جدا يقول...

الدكتور أحمد حضرتك تنور يا فندم
وأنا تحت أمرك
هل تقصد المعهد اللي ف كلية الزراعة ولا معهد تاني؟
تنور يا فندم المنوفية

أحمد سعيد بسيوني يقول...

وفقكم الله ويسر لكم من اموركم

بس سيبك .. كله بيعدي ، وهتعدي الاطفال زي سابقتها الباطنة

كل عام وانتم بخير

دكـــــتور جدا يقول...

يارب يا دكتور أحمد