الأحد، 27 سبتمبر 2009

على أعتاب التخرج...خواطر مشتتة

http://www.alhadag.com/photos/59301.jpg

السلام عليكم ورحمة الله وبركاته

يوم عصيب


اليوم الأحد 27/9/2009 انتهت امتحانات الفرقة الخامسة بطب المنوفية

هذا اليوم ليس كأي يوم من أيام الامتحانات

إنه آخر آيام الامتحانات...يوم بنكهة خاصة

أستيقظ مبكرا قبل صلاة الفجر

ربما قلقا وربما غير ذلك

أتوضأ وألبس جلبابي الأبيض

وأذهب لصلاة الفجر في المسجد

تصافح وجهي نسمات باردة رقيقة فتنعشه

بهواء لم يتلوث بمعاصي البشر

متوتر وترتعد فرائسي كلما تذكرت الإمتحان

أنسى ذلك سريعا فالجو جو ايماني

أدخل المسجد وأصلي الصبح بصحبة اخواني

وأوصيهم بالدعاء لي ..ادعولي بشدة يا اخوانا

وينتهي الإمام من الصلاة لأخرج مسرعا الى البيت حيث تنتظرني كتبي

وعليها صور الأطفال !! فالمادة مادة الأطفال


أردد بعض أذكار الصباح

وابدأ بمراجعة المادة سريعا

تحضر أمي الحبيبة الفطور

غالبا لا اكثر من الطعام فمعدتي مضطربة فاليوم يوم امتحان

أرتدي بدلتي وجرافتتي وأضع عطري المفضل وامشط شعري

وانطلق بسم الله

أخرج من حارتنا لأجد سيارة تنتظرني !!

الله اكبر

بشرى من أول يوم

أركب السيارة وأكمل قراءة الأذكار

وأنزل بالقرب من كليتي

تتسارع نبضات قلبي كلما اقتربت من بوابة الكلية

واسير في سرداب مؤدي لمدخل الكلية !!

وتسقط على ورقة كانت مغلفة لسندوتشات فول وطعمية ..فوق رأسي !!
درب !!

لها مدلول؟ !!

الله أعلم

سمعت صوتا يقول : قدر الله وما شاء فعل

انظر خلفي فأجد أحد الناس الذين كانوا يصلون معنا في التهجد والتراويح

قلت : سلام عليكم

قال : عليكم السلام ...ازيك يا دكتور ...هو أنت مش ف كلية اصول الدين !!

قلت : لأ أنا في سنة خامسة طب شبين !! وآخر يوم لي النهاردة ادعيلي

قال : أوصيك بأن تقرأ أوائل سورة طه ...لا أدري لماذا ؟

قرأتها سريعا

وعاد التوتر والقلق مرة ثانية

دخلت الكافتيريا لأجد زملائي وكانهم قد باتوا في الكلية

يرتدون بدل وكأنهم عرسان في يوم زفافهم !!

سلام عليكم يا شباب

وعليكم السلام ...ازيك يابو سليمان

يقول أحدهم : انا زيرو النهاردة !!

يقول آخر : أنا منمتش ليلة امبارح !!

ويكثر الكلام ويذهب التوتر والقلق بهذه الحكاوي الشيقة !!


دكتور صعب قوي !!


دخلنا امتحان x-ray أو الأشعة بالعربي

وكان يراقب علينا دكتور كشر شوية !! ربنا يهديه

معظم زملائنا مخنوقين منه

اصطبحنا بوش مين النهاردة ؟!!

ويا ويله ويا سواد ليله اللي هيدخله ...ربنا يستر !!

ياترى هل ورقة الفول والطعمية التي سقطت فوقي لها مدلول !!

الله أعلم ...ربنا يستر

وأجبنا بفضل الله على أسئلة الأشعة

وتم توزيعنا على لجان العملي والشفوي

ووفقنا الله عزوجل في لجنة العملي

وانتظرت أنا ومجموعتي لجان الشفوي

وتفاجأنا بهذا الدكتور !!

الم اقل لكم أن ورقة الفول والطعمية لها مدلول !!

ودخلت له

ولاعبني يمين وشمال في المنهج رايح جاي !!

على مثال : ايه الفيتامين اللي لما ينقص بيعمل قصور في وظائف القلب heart failure؟

طبعا هو b1 <<<<
beri beri

المهم

أجبت ما تذكرت ...ويقولي وايه كمان ؟!!

أقول : كذا كذا ....وايه كمان ؟!!

وايه كمان ؟!!!

ياعم ارحمني بقة

وخرجت من عنده منفوخا (بلغة أهل الطب يعني ...بلاش عشان الرقابة )

وتم الإمتحان بفضل الله تعالى على أحسن ما تمنيت برغم النفخ بس الحمد لله

النهاردة آخر آيام الإمتحانات

ساعات فرحة قليلة وسط أيام هم وتعب

الحمد لله



على أعتاب التخرج




راودتني أفكار دارت برأسي ...

العام المقبل هو آخر عام لي كطالب

عام بقى وسأكون على أعتاب التخرج

عام وسيبقى اسمي دكتور جدا وليس ضكتور جدا

عام واحد وأترك الإمتحانات والهم والتعب

عام واحد وأخرج الى سوق الحياة
........
وتخيلت في راسي أن هناك عام واحد

ويسدل الستار على مسيرة طلابية (أسأل الله القبول)

حيث فصول متلاحقة من مشهد الحياة على خشبات المدرسة والجامعة

حيث يبقى حسن الختام أن شاء الله شاهدا علي الأخوة الصادقة والمشاعر النبيلة

التي طالما عشتها مع أخوة لي في كليتي .

مرت خمسة أعوام من أجمل أيام عمري التي عشتها بحلوها ومرها

وبقت سنة واحدة أسأل الله تعالى أن تكون خير سنة في السنوات الست التي هي عمري في كليتي .


أتمنى على الله في هذه السنة

أن أجبر تقصيري في السنوات الماضية

أن أبلغ دعوة ربنا لكل شخص في كليتي

أن أترك أثرا طيبا في مكان عشت فيه أجمل أيام عمري

أن أنقل لإخواني الذين هم أصغر مني سنا بعض ما تعلمته في السنوات الفائتة

أن أراجع كتاب الله حفظا جيدا متقنا وأن اسعى للحصول على إجازة في القرآن الكريم

أن أهتم بدراستي وبخاصة الجراحة فهي ان شاء الله مادتي المفضلة وشغلتي فيما بعد إن قدر الله لي

أن أكون في نصرة الحق دوما وأن أقف في وجه الظلم على قدر استطاعتي

أن أبر أمي واشيلها فوق راسي وألا أغضبها في شئ


روح واحدة

http://www5.0zz0.com/2009/08/26/14/447572394.jpg

سبحان الله كم تمنيت أن أبدا الموسم الدراسي مع اخواني في الكلية هذا العام

وتأتي انفلونزا الخنازير وتأخر الدراسة الى السبت القادم (مصائب قوم عند قوم فوائد)

حيث أبدا إن شاء الله الموسم الدراسي الجديد مع اخواني بروح جديدة

نبدا موسم دعوي دراسي جديد بحلوه ومره

وربنا يعين الجميع

يارب تقبل



نص الدين

http://www.islamonline.net/arabic/adam/2001/08/images/pic8.jpg

بما إن التطور الطبيعي للإنسان في فترة العشرينات أن يكمل نصفه الآخر

ويبحث عن من تشاركه بقية آيام حياته

وفي إطار حملة الاستعداد لهذا الحدث الكبير أنشأت مدونة نص الدين

أجمع فيها المواد العلمية والشرعية اللازمة لبناء البيت المسلم ولحياة اسرية سعيدة على طاعة الله

أتعلم وأستفيد وأفيد

يارب الفترة دي متطولش أصل لسة جيش وتجهيز وشقة وشبكة و ..و.... كفاية !!

يارب زوج جميع شباب وبنات المسلمين واجمعهم على طاعتك واحفظهم من كل سوء

آمين يارب

مدونة نص الدين

معلش صدعتكم معايا

لا تنسوني من صالح دعائكم

تعليقات: 46

أبو العريف يقول...

كل سنه وانت طيب يا دكتور

وربنا يوفقك ان شاء الله

والسنه الجايه تكون اجمل

بيطرية ومش بايدى يقول...

انا تانى تعليق مش بطال

نقول سلام عليكم يا دكتور
مش ضكتور
ان شاء الله ربنا يخلصك على خييييير
ونسمع عنك كل خيييييييييييييييير
وتبقى دكتور جراح قد الدنيا كلها واكبر كمان

بيطرية ومش بايدى يقول...

بس فى حاجة
هل ورقة الفول والطعمية كان ليها مدلول
يعنى عندك اجابة ولا مازالت متحير
عشان معرفتش اوصل لمدلولها
انا عارفة احساسك بالنفخ ساعة ما دخلت للدكتور اياه
ربنا مايوعدك وتدخل على حد زيه ابدا
مش عارفة ساعات بحس انهم صح وان هى طريقة الاختبار
وساعات بحس انهم جزارين او عندهم عقدة
انا لسه مجربتش
بس اخويا جرب
اصله زميل حضرتك
بس هو زميل درجة اولى اقصد لسه ف سنة اولى صغنن يعنى

ربنا معاكم كل الدكاترة البشرين
ويوفقكم ويصلح ليكم الحال

تقبل مرورى
وتحياتى ايضا

سلام عليكم

بيطرية ومش بايدى يقول...
أزال المؤلف هذا التعليق.
بيطرية ومش بايدى يقول...
أزال المؤلف هذا التعليق.
بيطرية ومش بايدى يقول...
أزال المؤلف هذا التعليق.
لو عرفوه هيحبوه يقول...

السلام عليكم

تعرفوا معنا على محمد بن عبد الله الشاب قبل البعثه وكيف كانت اخلاقه

عاشق الجنة من الإخوان صلى على النبى يقول...

خواطر بصراحة رائعة
وربنا يكرمك وييسرلك الخير
بس بالله عليك في أخر سنة اوعي تضيع لحظة متكسبش فيها ثواب
وتذكرها دائماًُ
الاعمال بالخواتيم
قوي علاقتك باخوانك
وأدعيلنا معاك
صلي علي النبي

لو عرفوه هيحبوه يقول...
أزال المؤلف هذا التعليق.
رابطة هويتي اسلامية يقول...
أزال المؤلف هذا التعليق.
طالبه الفردوس يقول...

السلام عليكم

اسال الله ان تكون كل لحظه فى الدراسه فى ميزان حسناتك

ويابخت الدكاتره على الثواب اللى ممكن ياخدوه واهم شئ تجديد النيه

اسال الله ان يوفقكم الى كل ما يحبه ويرضاه

لو عرفوه هيحبوه يقول...
أزال المؤلف هذا التعليق.
رابطة هويتي اسلامية يقول...

جزاكم الله خيرا

لو عرفوه هيحبوه يقول...
أزال المؤلف هذا التعليق.
well يقول...

بالتوفيق ان شاء الله يا دكتور

بيطرية ومش بايدى يقول...

اه على فكرة
انا سيبتلك حاجة مهمة جدا جدا جدا
فى المدونة عندى
لازم تيجى وتشوفها
ضرورى يا دكتورمحمد
مسألة حياة اوموت

اه وللتوضيح انا حذفت التعليقات بتاعتى المتكررة بس
عشان كان عندى البلوجر معلق
فافتكرت ان التعليقات ما وصلتش واما لاقيتها وصلت حذفتها
اسفة لو ماكنتش استئذنت

غير معرف يقول...

ربنا يكرمك يادكتور
وتنهى الدراسة الطبية بالف خير
واشوفك دكتور اد الدنيا
ربنا يوفقك انت وكل الطلاب اللى زيك

مهرة سالم يقول...

السلام عليكم....
الله يرزقك بر أمك...
ويرزقك الزوجه الصالحه التي تعينك في أمور دينك...
ويعفك بالحلال اللهم آمين...
.....
وتوكل على الله وكفى به وكيلا ....
......
والدراسه لا تنتهي خصوصا في مجال الطب قد ينتهي جو المدرجات ولكن أسأل الله أن تجتمع وصحبك على ما يحب الله ويرضاه...
....
في أمان الله

مشروع دكتور يقول...

لا اعرف ماذا اقول فهى خواطر متلاحقه
ولكن احسها
فرحه التخرج
اخر سنه بدون مذاكره ولا امتحانات
انا برضه بنت خالتى كان عندها اطفال اليوم زيكوا.

ربنا يوفقكوا وباذن الله هتكون احسن دكتور جزار
بس يايت لو تسمح ادرب عندك يادكتور
لان بحب الجراحه برضه والتشريح

موفق باذن الله يادكتور باذن الله امين يارب
ربنا يعطيك علم كتيررررررررررر تنفع بيه المسلمين عامه
واخواننا فى فلسطين خاصه
امين يارب يادكتور
امين يارب

جمعاوى يقول...

الكبير كبير ..


ركز جااامد فى مدونة نص الدين الله يكرمك


(:

حمدى جعوان يقول...

ان شاء الله ربنا هيكرمك والسنه الجايه تكون احسن سنواتك فى الدراسه وتكون اكبر جراح فى العالم ( مش فمصر بس ياعم ..يلا )

ومتقلقش من موضوع ورقة الفول والطعميه ده ... انا فى اخر سنه وقع عليا جردل ميه من بلكونه ... والجزمة اتقطعت وانا داخل الكليه ....

وجبت احسن تقدير فى الماده دى

أبــــو ضـــيــاء يقول...

ربنا يكرمك

فليعد للدين مجده يقول...

هي فعلا خواطر متتة لكنها جميلة ومشرقة ومربوطة بالله عز وجل
وهكذا ينبغي المسلم أن يكون موصولا بالله

دكـــــتور جدا يقول...

اقتباس :
أبو العريف يقول...

كل سنه وانت طيب يا دكتور

وربنا يوفقك ان شاء الله

والسنه الجايه تكون اجمل
.................................
وحضرتك طيب يافندم
نورتني والله
ويارب تكون كل اللي جاي أحلى

دكـــــتور جدا يقول...

اقتباس : بيطرية ومش بايدى يقول...

انا تانى تعليق مش بطال

نقول سلام عليكم يا دكتور
مش ضكتور
ان شاء الله ربنا يخلصك على خييييير
ونسمع عنك كل خيييييييييييييييير
وتبقى دكتور جراح قد الدنيا كلها واكبر كمان
بس فى حاجة
هل ورقة الفول والطعمية كان ليها مدلول
يعنى عندك اجابة ولا مازالت متحير
عشان معرفتش اوصل لمدلولها
انا عارفة احساسك بالنفخ ساعة ما دخلت للدكتور اياه
ربنا مايوعدك وتدخل على حد زيه ابدا
مش عارفة ساعات بحس انهم صح وان هى طريقة الاختبار
وساعات بحس انهم جزارين او عندهم عقدة
انا لسه مجربتش
بس اخويا جرب
اصله زميل حضرتك
بس هو زميل درجة اولى اقصد لسه ف سنة اولى صغنن يعنى

ربنا معاكم كل الدكاترة البشرين
ويوفقكم ويصلح ليكم الحال

تقبل مرورى
وتحياتى ايضا

سلام عليكم
.............................
الدكتورة الكريمة بيطرية ومش بايديها
وعليكم السلام ورحمة الله وبركاته
وانا عرفت مدلول ورقة الفول ان انا دخلت للدكتور الصعب ده
وربنا يوفق أخوكي
وأسعدتني زيارتكم وربنا يبارك فيكم

دكـــــتور جدا يقول...

عاشق الجنة من الإخوان صلى على النبى يقول...

خواطر بصراحة رائعة
وربنا يكرمك وييسرلك الخير
بس بالله عليك في أخر سنة اوعي تضيع لحظة متكسبش فيها ثواب
وتذكرها دائماًُ
الاعمال بالخواتيم
قوي علاقتك باخوانك
وأدعيلنا معاك
صلي علي النبي
............................
صلى الله عليه وسلم
أخويا الكبير عاشق الجنة
وان شاء الله ننفذ وصيتك وربنا يكرمك

دكـــــتور جدا يقول...

اقتباس :طالبه الفردوس يقول...

السلام عليكم

اسال الله ان تكون كل لحظه فى الدراسه فى ميزان حسناتك

ويابخت الدكاتره على الثواب اللى ممكن ياخدوه واهم شئ تجديد النيه

اسال الله ان يوفقكم الى كل ما يحبه ويرضاه
............................
وعليكم السلام طالبة الفردوس
يارب آمين

دكـــــتور جدا يقول...

اقتباس رابطة هويتي اسلامية يقول...

جزاكم الله خيرا
............................
وجزانا واياكم
سعدت بزيارتكم

دكـــــتور جدا يقول...

اقتباس :well يقول...

بالتوفيق ان شاء الله يا دكتور
...........................
يارب
سعدت بزيارتكم

دكـــــتور جدا يقول...

اقتباس :بيطرية ومش بايدى يقول...

اه على فكرة
انا سيبتلك حاجة مهمة جدا جدا جدا
فى المدونة عندى
لازم تيجى وتشوفها
ضرورى يا دكتورمحمد
مسألة حياة اوموت

اه وللتوضيح انا حذفت التعليقات بتاعتى المتكررة بس
عشان كان عندى البلوجر معلق
فافتكرت ان التعليقات ما وصلتش واما لاقيتها وصلت حذفتها
اسفة لو ماكنتش استئذنت
........................
ربنا يستر
ايه عيان بيموت ولا ايه ؟

دكـــــتور جدا يقول...

أم مالك يقول...

ربنا يكرمك يادكتور
وتنهى الدراسة الطبية بالف خير
واشوفك دكتور اد الدنيا
ربنا يوفقك انت وكل الطلاب اللى زيك
...............................
يارب يا أم مالك
سعدت بزيارتكم جدا

دكـــــتور جدا يقول...

اقتباس : نهــــــــــار يقول...

السلام عليكم....
الله يرزقك بر أمك...
ويرزقك الزوجه الصالحه التي تعينك في أمور دينك...
ويعفك بالحلال اللهم آمين...
.....
وتوكل على الله وكفى به وكيلا ....
......
والدراسه لا تنتهي خصوصا في مجال الطب قد ينتهي جو المدرجات ولكن أسأل الله أن تجتمع وصحبك على ما يحب الله ويرضاه...
....
في أمان الله
.....................
وعليكم السلام اختنا نهار
آمين يارب
سعدت بزيارتكم وتعليقكم
الله المستعان

دكـــــتور جدا يقول...

اقتباس : Take Care يقول...

لا اعرف ماذا اقول فهى خواطر متلاحقه
ولكن احسها
فرحه التخرج
اخر سنه بدون مذاكره ولا امتحانات
انا برضه بنت خالتى كان عندها اطفال اليوم زيكوا.

ربنا يوفقكوا وباذن الله هتكون احسن دكتور جزار
بس يايت لو تسمح ادرب عندك يادكتور
لان بحب الجراحه برضه والتشريح

موفق باذن الله يادكتور باذن الله امين يارب
ربنا يعطيك علم كتيررررررررررر تنفع بيه المسلمين عامه
واخواننا فى فلسطين خاصه
امين يارب يادكتور
امين يارب
........................
الدكتورة take care
هو انتي عايزة تشتغلي جراحة ؟!!
الجراحة للرجال والسجن للجدعان !!
الله المستعان

دكـــــتور جدا يقول...

اقتباس : جمعاوى يقول...

الكبير كبير ..


ركز جااامد فى مدونة نص الدين الله يكرمك


(:
..........................
ياباشا انت الكبير
وان شاء الله نركز في نص الدين
الله المستعان

دكـــــتور جدا يقول...

اقتباس : حمدى جعوان يقول...

ان شاء الله ربنا هيكرمك والسنه الجايه تكون احسن سنواتك فى الدراسه وتكون اكبر جراح فى العالم ( مش فمصر بس ياعم ..يلا )

ومتقلقش من موضوع ورقة الفول والطعميه ده ... انا فى اخر سنه وقع عليا جردل ميه من بلكونه ... والجزمة اتقطعت وانا داخل الكليه ....

وجبت احسن تقدير فى الماده دى
...............................
ربنا يكرمك يا حمدي
سعدت بكلامك جدا

دكـــــتور جدا يقول...

اقتباس أبــــو ضـــيــاء يقول...

ربنا يكرمك
...........................
يارب

دكـــــتور جدا يقول...

اقتباس :فليعد للدين مجده يقول...

هي فعلا خواطر متتة لكنها جميلة ومشرقة ومربوطة بالله عز وجل
وهكذا ينبغي المسلم أن يكون موصولا بالله
............................
دكتور ايهاب
يارب نكون كلنا موصولين بالله

هداية يقول...

السلام عليكم

انا معاك فى كل كلمه قولتها وكإن انا اللى كاتبه الموضوع ده والله

بس مع اختلاف بسيط فى الكليه
بس على العموم الصحبه الجيده بتستمر طول العمر مش فتره الدراسه بس

ودى سنه الحياه

دكـــــتور جدا يقول...

اقتباس :هداية يقول...

السلام عليكم

انا معاك فى كل كلمه قولتها وكإن انا اللى كاتبه الموضوع ده والله

بس مع اختلاف بسيط فى الكليه
بس على العموم الصحبه الجيده بتستمر طول العمر مش فتره الدراسه بس

ودى سنه الحياه
..............................
وعليكم السلام
فعلا أجمل شئ الصحبة الصالحة وموجودة في كل مكان
ولكن فترة الجامعة أحلى وأجمل

سعدت ردكم والله المستعان

جمهورية شومبونجو العربية يقول...

السلام عليكم

اولاّّ شرفتنى بزيارتك للدولة الشقيقة
ونأمل ان نكون من الدول الصديقة
ثانيأ انا هكلملك وزير الصحة علشان اوصى عليك
متشغلش بالك بحاجة خالص
........
تحياتى

رئيس الجمهورية

محمد المصرى يقول...

كل سنة وانت بخير ياضكتور جدا

دعائى لك بالنجاح فى الدراسة والحياة العملية

بس في ملحوظة اتمنى انك تتقبلها

موضوع ورقة الفول والطعمية حرام انك تتشائم بيه او تتفائل حتى لان ده نوع من انواع التطير

والشيطان بيحاول يدخلك عن طريقها فى التشاؤم

عموما دمت بكل خير

مصرى دائما

المجاهد الصغير يقول...

السلام عليكم
مبروك00000
وعقبال السنه الجايه
وياترى متخصص فى ايه
عشان نبقى نستشيرك عشان مش هنقدر نروح العياده بعييييييييييييييد علينا
وفقك الله

دكـــــتور جدا يقول...

اقتباس :جمهورية شومبونجو العربية يقول...

السلام عليكم

اولاّّ شرفتنى بزيارتك للدولة الشقيقة
ونأمل ان نكون من الدول الصديقة
ثانيأ انا هكلملك وزير الصحة علشان اوصى عليك
متشغلش بالك بحاجة خالص
........
تحياتى

رئيس الجمهورية
............................
ؤبنا يباركلك
واتوصى شوية لوزير الصحة
ربنا يبعد عنك انفلونزا الخنازير !!

دكـــــتور جدا يقول...

اقتباس : لنحيا فى اجواء الحب يقول...

كل سنة وانت بخير ياضكتور جدا

دعائى لك بالنجاح فى الدراسة والحياة العملية

بس في ملحوظة اتمنى انك تتقبلها

موضوع ورقة الفول والطعمية حرام انك تتشائم بيه او تتفائل حتى لان ده نوع من انواع التطير

والشيطان بيحاول يدخلك عن طريقها فى التشاؤم

عموما دمت بكل خير

مصرى دائما

.....................
أخي الحبيب ربنا يبارك ف عمرك
جزاكم الله خير على النصيحة
وعلى موضوع التشاؤم
على فكرة أنا لم أذكر التشاؤم في موضوعي ع العموم جزاكم الله خير
((تفائلوا بالخير تجدوه )) حديث
.................
نورت مدونة أخوك وأتمنى دوام التواصل

دكـــــتور جدا يقول...

اقتباس : المجاهد الصغير يقول...

السلام عليكم
مبروك00000
وعقبال السنه الجايه
وياترى متخصص فى ايه
عشان نبقى نستشيرك عشان مش هنقدر نروح العياده بعييييييييييييييد علينا
وفقك الله
............................
أختنا الكريمة أم أنس
ان شاء الله جراحة عظام وربنا يسهل
وربنا ما يجبش مرض

هديـــل الـروح يقول...

السلام عليكم ورحمه الله وبركاته ،،

مبارك عليك الانتهاء من الامتحانات بجد كانت فتره صعبة وكلنا بنمر بيها أتمنى لك من الله التوفيق فى النتيجه وأن تمر عليك آخر سنوات الدراسه بسلام وحب وقرب من الله سبحانه وتعالى ..خلاص سنه وهتبدأ فى تحمل المسئوليه كطبيب وهتشيل هم المرضى المسلمين وهتكون صورة للطبيب المسلم فى مجتمعنا فشد حيلك وربنا يوفقك ..كل عام وأنتم بخير