الخميس، 29 أكتوبر 2009

بعد شهر من الدراسة ..مواقف وطرائف 1

http://upload.te3p.com/uploader/264046/11245531165.jpg

السلام عليكم ورحمة الله وبركاته

مر شهر منذ بداية العام الدراسي هذا العام وفعلا بالنسبة لي كان شهر حافل جدا بالاحداث

وسابدأ ان شاء الله في سرد المواقف التي قد تضحكون منها ومواقف تعلمت منها الكثير

نبدا بسم الله

تضحية

مع انتهاء امتحانات سنة خامسة عندنا يادوب قبل بداية الدراسة ب4 أيام تقريبا ، وجدت بعض اخواني يضحون بأجازتهم ويذهبون للكلية لمساعدة الطلبة الجدد الكتاكيت الجداد !!
فعلا منظرهم يصعب على المؤمن !
بس فعلا موقف أثر فيا كتير وأسأل لماذا يخرج من أجازته اللي هو لسة ما دخلهاش اساسا ليساعد الناس
انه حقا شخصية تربت على فعل الخير والبذل والتضحية والعطاء بدون مقابل
قد تتعب الابدان ولكن ما أحلى التعب ليكون لراحة وسعادة الآخرين
وأطلق عليه فعلا
التعب اللذيذ



مليون حسنة في اليوم !!

اليوم اللي الواحد بيروح فيه الكلية تلاقيه يوم حافل بالاحداث والاعمال التي قد تكون تلقائية بس ثوابها كبير جدا بعكس لما الواحد يقعد في البيت (نايم - أمام التلفزيون- على النت ......)
ممكن الواحد يروح الكلية بدري... مجدد عشرين نية للذهاب للكلية ( طلب علم-الخروج في سبيل الله- الدعوة الى الله-معرفة قدرة الله في خلق الانسان- تعليم العلم- مساعدة الناس ....وغيرها من النوايا الرائعة )
وتركب العربية تلاقي ست كبيرة تقعدها ..تدخل الكلية تبتسم في وجوه الناس وتصافحهم .. تقول لواحد كلمة طيبة وممكن يتغير بيها مسار حياته ..صلاة الظهر جماعة بمسجد الكلية ...وممكن كمان ثواب الأذان ..هيخلص ورده القرآني وغيرها من الأعمال الجميلة
وممكن يقفل في اليوم ده مليون حسنة فعلا


دكتور المستشفى
https://blogger.googleusercontent.com/img/b/R29vZ2xl/AVvXsEiHm-lX_yKNcd0Tvi3JALVs_5g__NNSjYwCgcUdlCoqa68u4Upo4RAZEZ-_kamPGAA7fz7I2XMUtIw2lF-SerZk2Tc5FxcHOJjUUr9CQrdOOgzfeS6SvZOBGk-SNeBkmlw2E_YuurYAs_E/s400/Stethoscope,%2520doctor,%2520heart%2520health.jpg
أعرف واحد كان بيعمل حاجة جميلة اوي ...كان يلبس البالطو الابيض ( أصل فيه عندنا أخضر كمان !!)..المهم يتجول في المستشفى عندنا عشان يعمل حاجة واحدة ...ان الناس تساله عن بعض الاماكن في المستشفى فيدلهم وأحيانا يروح يوصلهم للمكان ..وممكن يدخلهم للدكتور عشان يكشفوا وكدة ...فتذكرت أحد الصحابة كان يتجول في الاسواق عشان يقول للناس سلام عليكم وياخد ثواب السلام
وتذكرت (ولئن أمشي مع اخ لي في حاجة احب الى من ان اعتكف في هذا المسجد شهرا) حديث


انفلونزا الخنازير...ياريتها ما جت !!
http://www.ti4it.com/vb/imgcache/2/3193-ti4it.com.JPG

انطلقت في الجامعة عندنا حملة بادر ( قدم خيرك انفع غيرك ) وكان اول اصدارات الحملة توعية بانفلونزا الخنازير وتعليق بوسترات عليها كيفية الوقاية ..وتم تعليقها في كل مكان في الكلية ..وطبعاعليها شعار الحملة بادر
فوجئنا تاني يوم بلوحات كتيرة مقطعة !! بس بطريقة عجيبة
بحيث القطع لكلمة الخنازير بس
ومن الطبيعي في اي جامعة مصرية ان اللي بيقطع الحاجات دي - بالذات لو من اصدارات التيار الاسلامي - هو الأمن وممكن بعض العمداء بنفسهم !! المهم
اتضح اللي كان بيقطع الحاجت دي واحد (مريض نفسي )
يصلي معنا في مسجد الكلية
سألني : هو أنتم اللي معلقين الحاجت دي ؟
قلتله : حاجات ايه
قالي : بتاع الانفلونزا
قلتله : أيوة
قالي : طب شيلوها !!
قلتله : ليه ..
قالي : عشان انتم معلقين كلمة الخنازير !! وانتم كدة بتعظموا قيمة الخنزير وهو حرام ...وعلى فكرة أنا اللي مقطع اللوحات بتاعتكم عشان كدة

طبعا أنا الدم فار في دماغي وكنت هفقد شعوري وكنت ممكن اضربه ! بس مسكت نفسي وتذكرت أنه تعبان نفسيا
ويجب التعامل معه بطريقة خاصة
المهم هديت نفسي
وقلتله برفق : يا حبيبي الحاجات دي للتوعية بالانفلونزا ..وكلمة الخنازير اتذكرت في القرآن أكثر من مرة وده مش معناه ان ربنا بيعظمها ..
فلو سمحت بطل التقطيع ده عشان كنت هتخلينا نعمل مشكلة مع الامن وكان ممكن يحصل مشاكل كبيرة جدا ..كويس ان انت قولتلي
المهم بعد حوار طويل وعريض .........ما اقتنعشي
فجاله أخ طول بعرض ...واتكلم معاه بأسلوب صعب شوية
المهم خاف وما بقاش يقطع !!
منها لله انفلونزا الخنازير



أنا الامام !!
http://www.iraq-ina.com/admin/upload/001-23-6896.JPG

حصل موقف السنة دي غريب شوية ...بعد الأذان وأثناء الاقامة ..قدمنا موظف من موظفي الكلية يؤمنا للصلاة ..راجل كبير ومحترم ..فوجئت بأحد الأشخاص الملتحين بيرجعه بعد ما قدمناه للصلاة ودخل القبلة !!
وبعد مشاكسات وحوارات !! أمنا الرجل (الموظف ) في الصلاة
وبعد الصلاة سالت هذا الرجل الملتحي : انت عملت كدة ليه ؟
قالي : عشان أدخل أنا مكانه !!
قلتله : ليه
قالي : كدة وخلاص
قلتله : عشان لحيتك يعني
قالي : أيوة !!
قلتله : وحضرتك حافظ القرآن
قالي : حافظ سور كتير منه
قلتله : انا بفضل الله حافظ للقرآن وكتير من اللي ف المسجد حافظين القرآن ..معملوش زي ما انت عملت ..بل هم اللي قدموا الرجل للصلاة ..راجل كبير ومحترم ومتدين وكلنا بنحترمه ..فما يصحش تعمل كدة ..لا أدبا ولا شرعا
ونفسي نفهم الدين صح
الراجل زعل منك
واللي ف المسجد زعلوا منك
وكل ده عشان ايه ؟
عشان تدخل تصلي بينا إمام !!
وبعد انتهاء الحوار انشغلت في كام مشوار كدة في المستشفى
وبعد حوالي ربع ساعة عديت على المسجد وجدت هذا الشخص عامل جماعة تانية وبيصلي بيهم امام !!
مش عارف ...ايه رايكم ؟
انا اتكلمت معاه صح ولا غلط ؟
وايه اللي كان ممكن يتقال؟

نكمل بقية المواقف والطرائف
في الحلقة القادمة ان شاء الله

تعليقات: 44

جمعاوى يقول...

أول تعليق

(:

عدوا الجمايل ،

منتظرين الجزء الثانى

طهر فؤادك يقول...

السلام عليكم ورحمة الله وبركاتة ,,,

جزاك الله خيرا والمسلمين على المواقف الطريفة دى ومستنين الاجزاء التانية ان شاء الله ... اما عن الامامة فى الصلاة فانا حسيت ان لازم يكون اتفاق ومش شد وجزب ويكون الى اولى فى الامامة الامام الراتب اما فى جامع الكلية اكيد مفيش امام فلازم يكون فية حد يقول ياجماعة الى عارف اكتر يتقدم وميحصلش الى حصل وكمان انت بتقول انة ملتحى يعنى المفروض يكون عارف فى الدين فالمفروض يقدم صورة حسنة عن الدين ومش يكرة الناس فية اما عن شروط الامامة فشوفوا اللينك دة وان شاء الله نستفيد كلنا منة وعاوز اقول فى اخر كلامى انى احبك واحب من احبك فى الله :-
http://www.islamweb.net/ver2/Fatwa/ShowFatwa.php?Option=FatwaId&lang=A&Id=100522

مشروع دكتور يقول...

السلام عليكم ورحمه الله وبركاته
وموعد متجدد مع مدونتكم الرائعه والمواقف الشيقه
وعجبنى جدا الفرق فعلا بين انك تنزل الجامعه والقعده فى البيت
انما طبعا بالنسبه ليا يضاف اليهم شغل البيت
وهروبا من هذا وذاك اروح الجامعه احسن
بس بجد حضرتك حطيب ابعاد كتير للاستفاده والنيه يمكن اقصى حاجه فكرت فيها حكايه الابتسام فى وش صاحبتى او انى اعمل شئ مفيد.
بجد بسم الله ماشاء الله
ومنتظرين تكمل
وبصراحه عمو الملتحى كان المفترض يبقى عقله اكبر من كده.
واظن انك نصحته ومش اعتقد ان صح انه عمل جماعه تانى طيب ليه هو مش صلى معاكوا؟
حوار الانفلونزا بقى ده خطير وكويس انك مش فقدت اعصابك وشعروك لانه فعلا قمه الاستفزاز.
بس البوسترات دى مش بنشوفها عندنا ليه؟
فى النهايه منتظرين المزيد والباقى .
فالسلام خير ختام والسلام عليك ورحمه الله وبركاته

Dr. Ibrahim يقول...

ومنتظرين المزيد......

Unknown يقول...

على أيامنا
زمااااااااان
ماكنش فيه فاصل
بين سنة خمسة وسادسة
خبط لزم !!تخلـــص دى
وقبل ما النتيجة تظهر
تدخل على دى .....عدل(:
انتو بقينم فى رفاهية:)
عايزين الباقى بسرعة
قبل ما تنشغل بالمذاكرة

عاشق الجنة من الاخوان يقول...

مواقف جميلة وفيها اللي نتعلمه
بس خد بالك ايام الجامعة دي أيام جميلة قوي ومتتعوضش
وبكرة تقول يا ريتها ما خلصت
واسأل مجرب
لا تنسانا من صالح دعائك
صلي علي النبي

مهاجر فى وطنى يقول...

السلام عليكم
يا مرحبا يا مرحبا
فكرتنى بايام الطلبه والناس الملتحين
يقل النبى صلى الله عليه وسلم الامامه ندامه يوم القيامه
مستنين المواقف والطرائف
تشرفنى زيارتك

المجاهد الصغير يقول...

السلام عليكم
اولا ربنا يقويكم على الاجازه الطويله دى؟؟؟
ثانيا فكرتنى بايام الجامعه الى افتقدها دلوقتى مشاعر الاخوه والدعوه والحماسه وكل شئ جميل
ثالثا لا حول ولا قوه الا بالله
بجد فى ناس عقلها متركب خطئ بردك كنت مره بكلم مع البنات فى المسجد طلعت وحده صحبتنا بردك منقبه بصوت على فى النقاش وتهلل وتصرخ وانا قعده هادئئئه واكلمها بكل هدوء واكمل حديثى حتى البنات من حولها كلموها وقلولها انتى الغلاطانه
بجد ايام ما تتعوض
اعانك الله

مخبر قمل دولة يقول...

اكتر موقفين ضايقوني بتوع انفلونزا الخنازير والامام
بتاع الانفلونزا التمست له العذر بسب مرضه
بتاع الامام بقا رغم اني عارف ان الحل مع دول بيكون بالهداوة - المفروض يعني - عشان نفهمهم وكده .. بس بجد يعني انا كنت عاوز اضربه من كلامك ده
اللهم طولك ياروح
عجبني اوي موقف الأخ اللي بيمشي في الكلية يساعد الناس
افكار صغيرة اوي بالنية تاخد عليها ثواب عظيم
ربنا يباركله

طالبه الفردوس يقول...

السلام عليكم

ربنا يجزيكم اضعافا مضاعفه على نوياكم

حقا العمل فى الجامعه له طعم اخر وباب كبير لكسب الحسنات يكفى الابتسامه فى وجه مسلم

بالنسبه لانفلونزا الخنازير نلتمس له العذر فنيته خير
والحمد لله انه امتنع عن التقطيع

وبالنسبه للامام فكثير من الجدد فى دخول الدين يعتقد انه افضل الناس مادام اطلق لحيته وغيره حليق وتكون مناقشته بالعلم افضل بدلا من تعنيفه حتى لا ياتى بنتيجه عكسيه وكثيرا مانرى هذه المواقف ويكون احتوائهم هو الحل الامثل

جزاكم الله خيرا فى انتظار المزيد

marmar يقول...

لا بصراحه موقفك تمام التمام وادام هو عندي وعايز يصلي امام خلاص سيبك منو هو حر بقى
بس بصراحه دمك خفيف في الكلام وربنا يعينكم على الانفلونزا في مصر انا سمعت انها بقت كتيييييييير اوي
يلا ربنا يستر

عمرو جويلى يقول...

السلام عليكم
جعله الله فى ميزان حسناتك
وموقفك مع الشاب الملتحى
سليم مآئة فى المآئة
خالص تقديرى

المجاهد الصغير يقول...

اخى مقدرين ضيق وقتك عشان الدراسه ولكن لابد ان تمسح هذه التعليقات من الملحد االشيطانى الئيم وحسبنا الله ونعم الوكيل
او تفحص التعليقات قبل نشرها
وجزاكم الله خيرا
ولعنه الله على الكافرين الملحدين

المجاهد الصغير يقول...

اخى لابد ان تحذف هذه التعليقات باقصى فرصه وسرعه ورجاء لا تفتحها
بالله عليك يا اخى

ريمان يقول...

يا اخى من فضلك


والله قرات البوست وبجد عجبتنى المواقف بس معرفتش اعلق من التعليقات دى اللى عندك


يا ريت تعمل اشراف ع التعليقات بسرعه وتمسح القرف ده


حسبى الله ونعم الوكيل

استغفر الله

دكـــــتور جدا يقول...

السلام عليكم ورحمة الله وبركاته

أنا آسف يا جماعة على التأخير في مسح التعليقات الخارجة

غير معرف يقول...

السلام عليكم ورحمة الله

فراشة يقول...

أهلا دكتور واهلا بجامعة المنوفية

ربنا دايما يقدرك على فعل الخير

وبالنسبة للأستاذ الملتحي انك تكلمه انه غلط وميصحش انه ياخد مكان شخص كان واقف للإمامه دا كويس بس ياريت ميكونش قدام حد عشان الاحراج اعتقد حضرتك كلمته على انفرد

وبالنسبة لمساعده الطلبه الجداد دي بجد حاجه انا بحب اعملها جدا


وعلى رابطة بادر انا مبسوطه جدا جامعتنا أخيرا عملت حاجه كويسه ومفيده ونافعه للآخرين


وربنا معاك يادكتور

طهر فؤادك يقول...

السلام عليكم ورحمة الله وبركاتة
اخبارك اية يادكتور

ومش تزعل من التعليقات الملحدة دى وربنا المنتقم ان شاء الله

وشوف موضوعى الجديد لانة بيتكلم عن الموضوع دة واللعبة الخبيثة بتعتهم ومستنى رايك

♥نبع الغرام♥♪≈ يقول...

السلام عليكم

ربنا يكرمك يارب
ومنتظرين المزيد
تقبل مرورى
وياريت تشرفنى بزياراتك عشان تشوف الموضوع الخطير اللى عملته

وكمان انا ضيفتك عندى تقبل الاضافه
تحياتى
ايناس

إبن مصر يقول...

السلام عليكم

هتكلم بس عن موضوعك مع الأخ اللى عايز يقف إمام

انت اتكلمت معاه كويس جدا والحمد لله كان ردك مظبوط وكمان له اسناد ان الرسول (ص) عليه وسلم كان يوصى اصحابه بأن يفروا من الإمامه وصدق الحبيب صلى الله عليه وسلم

والله يجازى اللى خلانى أأخر التعليق لأنى دخلت وكانت التعليقات موجوده مش قدرت اعلق
خلى بالك ولازم تتابع التعليقات كل فتره قصيره

وتحياتى لك ومزيد من التقدم وتمنياتى بالتوفيق فى بدايه الدراسه

خواطر شابة يقول...

بداية اجازة سعيدة ان شاء الله
تانيا فكرة ان الواحد دائما يجدد نيته في أي عمل بيعمله عشان ياخد ثوابه مهمة جدا لكن للاسف بنهملها
ثالثا في انتظار جديدك وتقبل من خالص التحيات

سجود يقول...

جزاكم الله خير
بس عندي تعليق صغنون
انا بقالي حوالي اسبوع بشوف المدونه ديه ادامي وكل ما اجي افتحها لازم يحصل حاجه يا اما النت يفصل يا اما االنور يقطع يا اما يجيلي تليفون واخواتي يعدوا ومش ارضي اقومهم يا اما المدونه مش ترضي تفتح لدرجه اني شكيت ان المدونه راكبها حاجه بس انا حاولت واصريت والحمد لله فتحت ولاقيت مش عليها عفريت ولا حاجه بس كانت شقيه شويه
ههههههههههههه

شهاب الأزهر يقول...

جميلة جدا الجامعة ونواياها وأعمالها ومواقفها... وطرائفها أيضا...

ذكرك الله بالخير يا دكتور.. جزاكم الله كل خير، وأضحك سنكم..

ومنتظرين جزءكم الثاني.

أحمد طاحون يقول...

جميل اوى يامحمد انك تجمع المواقف دى

وتسجلها عشان الناس تستفيد منها


جزاكم الله خيرا على المواقف

أدينا بنتعلم منك هنا وهناك

انزل بالجزء التانى بسرعة

رابطة هويتي اسلامية يقول...

السلام عليكم ورحمه الله وبركاته

جزاكم الله خيرا

اسال الله ان يوفقك لما يحبه ويرضاه

نتمنى مشاركتنا النقاش حول شعار الحزب الوطنى من اجلك انت!!

خواطر شاب يقول...

السلام عليكم
اخي جزيت خيرا علي تلك الطرائف التي امتعتنا بها
ارجو المرور علي مدونتي المتواضعة وابداء الراي فيها حتي نستفيد من خبراتكم
وجزاكم الله خيرا

كريم مصطفي سيد يقول...

السلام عليكم
في انتظتر المزيد وفقك الله

عالم حبيب يقول...

: ) حلوة بتاعة المريض النفسي دي

حلم بيعافر يقول...

زى ماقلت يادكتور
خير الناس انفعهم للناس

رابطة هويتي اسلامية يقول...

السلام عليكم ورحمة الله وبركاته


شاركونا الإحتفال بمرور عام على تأسيس رابطة هويتى إسلامية

كما يسعدنا أن نقدم لكم كشف حساب سنوى عن جميع أعمال الرابطة

بأنتظار زيارتكم الكريمة

أسرة الرابطة

البيروني يقول...

تعيش يا كبير تمتعنا و تفدنا جزاكم الله خيرا

غير معرف يقول...

السلام عليكم دكتورنا العزيز

بجد مواقف قيمه

ونيات حلوه وكتيره ربنا يجعلها في ميزانك

وننتظر الجزء الثاني

اخوك الصغير

المعتز بالله

z!zOoOo يقول...

السلام عليكم

ازيك يا ضكتور يارب تكون بخير

البوست جميل وهادي

والي بيقف عشان يرشد الناس ده ليه ثواب عظيم

وفيه حديث بيقول

حق الطريق

وعن أبي سعيد الخدري -رضي الله عنه- قال: قال رسول الله -صلى الله عليه وعلى آله وسلم-: إياكم والجلوس بالطرقات، قالوا: يا رسول الله ما لنا بد من مجالسنا نتحدث فيها، قال: فأما إذا أبيتم فأعطوا الطريق حقه، قالوا: وما حقه؟، قال: غض البصر، وكف الأذى، ورد السلام، والأمر بالمعروف، والنهي عن المنكر. متفق عليه.


يعني إرشاد الضال ورد السلام من اداب الطريق

وموقف الخنازير

بغض النظر إنه عنده اضطراب نفسي
لكن فيه ناس بالفعل صعبه الاقناع مش عشان انت كلامك غلط عشان هو الي مش عايز يقتنع من الاساس

وموضوع الامامه ده

لما بنكون انا واصحابي قاعدين مع بعض وبنصلي سوا انا اول واحد بهرب من الامامه بحسها حاجه صعبه قوي وبخاف اغلط اشيل ذنب

رغم إنه ثواب عظيم لكن دايما بشوف إن فيه الاجدر مني وافضل للإمامه

والي اعرفه في حكايه الامامه ديه
إنه بالسن وبالاكثر حفظا للقرأن وبالاعذب صوتا

حمد الله علي سلامتك

ربنا يوفقك ويكرمك وإيانا

ومستني زيارتك

تحياتي

sara draz يقول...

هوه تقريبا كده والله اعلم ان الراجل الملتحى ده بردو مريض نفسيا
فخالوا بالكوا بقى مرضاكم كتروا اوى وملوا البلد
امال انتو دكاترة لييييه
^_^

طويلب علم يقول...

السلام عليكم اخى صراحة انى احبك فى الله هتستغرب لكن من غير معرفك هو كدة سبحان الله وكانة رباط كل من فى ........... يربطهم هذا الحب كدت ابكى من الموقف الاول لانى فعلا اراة كل يوم حين ارانى واخوانى نفعل ذلك لا نرجوا الا الله ثم اعود واتذكر احس فى قلبى بشىء وددت لو ان الدنيا كلها شاركتنى هذا الشعور سبحان الله سايب اجازتة حد يقولى لية لانة حس الاحساس الى انا حسيتة وكل واحد حسة وفقكم الله

well يقول...

الف مبروك لمصر والحمد لله ...

اقصوصه يقول...

مبروك الفوز :)

اعشق فى الليل ضوء القمر يقول...

مستنى المزيد
مع انها مواقف تفرح و تحزن فى نفس الوقت

خواطر شاب يقول...

السلام عليكم اخي الكريم
هكذا فليكون المؤمن الذي نحسبه فهؤلاء الطلبة الذين تعبوا من اجل راحة غيرهم هم حقا نظروا الي الدنيا بعين البصيرة الي انها دار تعب وكد
وان الاخرة دار راحة وجنة بإذن الله
اما بالنسبة للرجل الملتحي فلا نبغي ان نسقط الاخطاء عليه كونه ملتحيا فانا لا انكر معك انه قد اخطئ ولكن ليس لانه ملتحي بل لقلة علومه الدينية
اعانك الله
تقبل الله منا ومنكم

والسلام ليكم ورحمة الله وبركاته

زهرة(جنى)الاسلام يقول...

السلام عليكم
اخى مواضيعك رائعة للغاية
ومدونتك رائعة ايضا
وانشاء الله انتظر الاجزاء القادمة

Unknown يقول...

كل سنة وأنت طيب
ياطبيب جمعنا الله
سبحانه وتعالى
أحنا وكل مشتاق
على صعيد مكة
عما قريب.

الراغبة في عفو الله يقول...

اولا اشكر حضرتك علي مساعدتكم لنا في الكلية بانيابة عن كل طلبة سنة اولي (شكلنا يصعب ع المؤمن ) فعلا والله احنا زي منكون تايهين لكن نشكر فريق صناع النجاح ع مساعدته لينا وشكركم ايضا ع المنتدي العظيم والله يا دكتور انت من افضل الطلة اللي قابلناهم في الكلية
جزاكم الله خيرا وتقبل منكم ونفع بكم المسلمين

كلمات من نور يقول...

ما شاء الله

خير الناس أنفعهم للناس يلا شد حيلك علشان تخلص بقى و تعالجنا حسب بعض المدونين كبروا وكحكحوا خالص وعايزين علاج...

كل عام و أنت بخير يا بني