الأربعاء، 23 فبراير 2011

القذافي ..اسطورة الغباء و الهبل والعبط و التخلف و...و...و..




كانت أزمة مصر هي تزاوج السلطة مع المال متمثلة في حكومة رجال الأعمال والمنتفعين من السلطة
أما الأزمة في ليبيا من وجهة نظري تتلخص في أن هناك تزاوج بين الغباء والسلطة والمال !
انسان يجلس على رأس السلطة مصاب بأمراض نفسية لا حصر لها حللها أطباء الطب النفسي
عمري في حياتي ما شوفت رئيس يقرر إبادة شعبه
عندما استمعت الى خطابه بالأمس لم أتماسك نفسي من الضحك
من البداية وهو داخل الى القاعة التي سيلقي فيها كلمته يركب التوك توك الطائر ! يعتليه شمسية بيضاء
داخل الى القاعة وهو مبسوط حبتين



بيفكرني بالشاعر الكبير اللي بيقول
آه يا توك توك نفسي آجيبله ماتور !
آه يا توك توك عايزه أقلبه حنطور !
وأنا مالي أنا مالي
تمن التوك توك غالي!

وبعدين بدا في حواره يهذي بكلام غير مفهوم
وشوية يقلع النضارة ويلبسها
وشوية يلف العباية وشوية يحطها
وشوية يفتح الكتاب الأهبل اللي بيقرأ منه
وعمال يتكلم في عقوبة الإعدامات !

نقدر نقول ان احنا استفدنا من الخطاب الرئاسي العظيم

- ان عنده نظارتين
- إن عنده شنبين فوق بؤه وواحد تحت بؤه
- إن عنده عبايتين واحدة لابسها وواحدة متغطي بيها
- إن هو أصلا مش رئيس ليبيا فيتنحى ازاي
- كل المترجمين للوكالات الأجنبية بيولوعوا في نفسهم دلوقت
- اكتشفنا ان عنده توك توك
- القذافي يتحدى الملل !

( نضحك أحيانا ولكنه ضحك كالبكاء )
________________

ربنا ينتقم منك يا قذافي الكلب
اللهم مزق ملكه وأرنا فيه يوم كيوم عاد وإرم



تعليقات : 1

خالد البطل يقول...

لا تقلق أخي فلن يطول بقائه بإذن الله.