السبت، 19 مارس 2011

عرس الديموقراطية في مصر ..حاجة تفرح




بجد حاجة تفرح
رغم اني انتخبت كتير ودخلت لجان كتير من سبع سنوات تقريبا
الا ان المرة دي ليها طعم تاني
هدوء كبير
اقبال غفير
مفيش بلطجية
مفيش أمن دولة
مفيش مخبرين
مفيش أمن مركزي
مفيش خناقات

لأول مرة أمي تنزل معايا علشان تقول رايها
طبعا أنا خليتها تصوت بنعم !
بس ده تحول كبير

بجد انا فرحان
بغض النظر عن النتيجة
الا ان ده بجد عرس حقيقي للديموقراطية

وربنا ينعم علينا بالأمن والأمان
ويتم المسيرة على خير

تعليقات: 5

just dream يقول...

فعلا عندك حق يارب نشوف مصر احلى عروسه لانها بجد تستاهل تكون كده

Dr Ibrahim يقول...

الله الموفق..

الازهرى يقول...

كلام جميل
ما عدا
خليتها تقول نعم
كان نفسى هى تختار نعم

بإذن الله فى الإنتخابات الكل يقول رأيه بدون توجيه
لازم نبذل مجهود فى التوعية من النهاردة ولحد الإنتخابات والله المستعان

كلمات من نور يقول...

يارب النصر لمصر يا بني دائما ولأمة حبيبة المصطفى آجمعين

ماجد العياطي يقول...

يارب دايما