الجمعة، 17 يونيو 2011

يعني ايه مرجعية اسلامية؟!


يعني ايه مرجعية اسلامية
  • يعني تستنجد إمرأة واحدة بالخليفة المعتصم اللي يبعد عنها أكتر من 2000 كيلو فيبعتلها جيش جرار عشان يحفظ كرامتها وميقلش وهوا إيه اللي وداها هناك

  • يعني التتار يهددوا العالم كلو بالخراب والتدمير وتيجي إنت تنتصر عليهم وتنقذ العالم بجد مش زي ما بيجي في الأفلام الأمريكاني

  • يعني تكون اقوى وأكبر قوة في العالم وتمشي في كل حتة وإنت مرفوع الراس

  • يعني يجي الخليفة هارون الرشيد يقول للسحابة أمطري حيث شئتي فسيأتيني خراجك

  • يعني الناس كلها تبات شبعانة ومرتاحة والخليفة بتاعهم عمر إبن عبد العزيز يبات جعان وتعبان

  • يعنى الناس كلها ابناءهم يلبسوا جديد وبنت الخليفه عمر تبكى لانى لبسها قديم والخليفه ليس معه مال لياتى لها بلبس جديد

  • يعني يجيي التتار يقولو لشيخ الإسلام إبن تيمية هنفرج عن المسلمين بس فيقلهم أهل ذمتنا قبل أهل ملتنا

  • يعني سيدنا علي قاضي المدينة أيام سيدنا عمر يقدم إستقالته لإن الناس مفيش بينها وبين بعض مشاكل ومش محتاجين قاضي

  • يعني تيجي إمرأة مسيحية لصلاح الدين تقولوا إن زوجها أسير وإن هوا اللي بيصرف عليها فيفرج عنو ويديهم فلوس توصلهم بلدهم

  • يعني بعد تحرير القدس صلاح الدين وقواد الجيش يتبرعوا بالفلوس اللي يفدو بيها أسرى الجيش اللي كان بيحاربهم لإنهم فقراء

  • يعني يعدي واحد من بيت المال أيام سيدنا عمر بن عبد العزيز ينادي في الشوارع إذا حد محتاج فلوس ياكل أو يشرب أو يلبس أو حتى يتجوز ومحدش يرد عليه لإن الناس كل إحتياجتها عندها

  • يعني تبأه الدولة الأكثر تقدما في العالم والإختراعات كلها تطلع من عندك

  • يعني تبأه اللغة العربية هيا اللغة الأولى وتكون الأندلس هيا مهد العلم على الأرض

  • يعني ييجي واحد قبطي يشتكي الوالي بتاعه لعمر إبن الخطاب فيحكم عمر إن القبطي يضرب الوالي ويقتص منو

  • يعنى يختصم واحد من اهل الذمه مع امير المؤمنين سيدنا علي على درع فيذهبوا للقضاء ويحكم القاضى للذمي بالدرع لانى حجة وبينته اقوى من امير المؤمنين

  • يعني يفتح الرسول صلى الله عليه وسلم مكة ويجي الناس اللي فضلوا يحاربوه ويؤذوه طول عمرهم فيقلهم إذهبوا فأنتم الطلقاء

  • يعني محمد الفاتح يبأه شاب في ال 17 من عمره يحكم أقوى قوة في العالم ويفتح القسطنطينية وهوا عندو 22 سنة

  • يعني أسامة بن زيد يخرج على رأس جيش فيه كبار الصحابة وهوا عندو 17 سنة بس

  • يعني تكتشف الدورة الدموية من مئات السنين ويجي بعدها واحد غربي ينسب الإكتشاف لنفسه

  • يعني تكون معظم أدوات الجراحة المستخدمة حاليا إخترعها طبيب مسلم

  • يعني يجي ظابط أمن دولة عذب الإخوان وبهدلهم عشرات السنين يتصل بالإخوان يستغيث بيهم عشان يحموه أثناء إقتحام أمن دولة 6 أكتوبر ويروحو يحموه فعلا

  • يعني الدولة الإسلامية تكون الأقوى والأكبر في العالم طول ما كانت مرجعيتها إسلامية ويجي حد يقلك دلوئتي مش عاوزين نخلط الدين بالسياسة
بقلم Ahmed Mustafa Almogheer

تعليقات: 2

Unknown يقول...

السلام عليكم
بعون الله تصبح لنا دولة إسلامية و نحتمي بظلها . و العزة لله .

Dr Ibrahim يقول...

بارك الله فيك وفى الكاتب