الخميس، 15 سبتمبر 2011

عارف يعني ايه ربنا بيحبك ؟




عارف يعني ايه ربنا بيحبك ؟

يعني تكون نايم وتلاقي حاجة تصحيك من نومك قبل الفجر ، وتقوم تتوضأ وتصلي ركعتين ،وتكلم ربنا وتفضفضله وتسأله كل اللي ف نفسك ، وتقوله كلام ما تقدرش تقوله لأي حد

عارف يعني ايه ربنا بيحبك ؟

يعني تلاقي حواليك صحاب حلوين يذكروك بربنا كل ما تبعد عنه ، بيفرحوا لفرحك ويحزنوا لحزنك بل وبيخففوا عنك وما يسيبكش الا لما تكون كويس

عارف يعني ايه ربنا يحبك ؟

يعني تلاقي نفسك بتفرح لما بتقرأ كتاب ربنا ، وتلاقي ربنا بيبعتلك رسايل ربانية قرآنية تفهمها بمجرد قرائتها ، وتلاقي دايما نفسك بتحب تسمع كلام ربنا لما يُقرأ في أي مكان

عارف يعني ايه ربنا بيحبك ؟

يعني تلاقي روحك حلوة ودايما سعيد ومبسوط ، ودايما تحاول تدخل السرور على من حولك ، وتلاقي الناس بتيجي دايما ليك لما يكونوا محتاجين لحاجة ، وكمان تكون بجانب الناس اللي حواليك من غير ما يسألوك بل بتسارع لقضاء حوائجهم

عارف يعني ايه ربنا بيحبك؟

يعني تكون متوقع الموت في أي وقت ، وكل شوية تفتكر انك تذكر ربنا ، لسانك دايما مشغول بكلام ربنا سبحانه وتعالى ، وكمان بتكون حريص على التوبة كل ليلة قبل ما تنام بل في كل وقت



اللهم إنا نسألك حبك وحب من يحبك وحب كل عمل يقربنا الى حبك

تعليقات: 5

نور القمر يقول...

مساء الخير اخى ..
شكرا لك على الموضوع الى بجد رااائع ..
فالحمد لله على كل شي ..وارجو من الله ان يدخل البسمه والسعاده على كل مسلم ..يارب
تحياتى نور
واتمنى ان تزور مدونتي
فهذا يشرفني ..

http://noursaalqamar.blogspot.com/

دكـــــتور جدا يقول...

جزاكم الله خيرا
نورتوا مدونتي المتواضعة
وان شاء الله جاري زيارة مدونتكم

bent masrya يقول...

الحمد لله ربنا بيحبنى :)
حلوه اوى مقالاتك ..

Unknown يقول...

شكرا ع الكلام الرائع ونرجو المزيد

Unknown يقول...
أزال المؤلف هذا التعليق.