.jpg)
05 ديسمبر, 2009
02 ديسمبر, 2009
تاج احنا شباب النهاردة
أهم مشاكل الشباب ..انعدام الانتماء
وعدم الاعتزاز بالهوية الاسلامية
والبعد عن ربنا
واحيانا الا مبالاة
والسلبية المقيتة
والتدين الأجوف
والبطالة المقنعة
والعنوسة
قتل الحريات
وانتشار الفساد الاعلامي
اهانة كرامة الانسان
ومكافحة الاسلاميين والمصلحين
ودفن الرموز والشخصيات المؤثرة
أهم مشكلة من وجهة نظري المتواضعة
قتل الحريات
السؤال الثانى: أى هذه المشاكل تعايشها أنت ؟
دفن الرموز والشخصيات المؤثرة
السؤال الثالث: أيهما أكثر فى نظرك المشاكل التى تواجه الشباب" الفتيان " أم المشاكل التى تواجه البنات ؟
الاثنين على حد سواء
ولكن مشكلات الشباب قد تكون أكثر
السؤال الرابع:هل يجد الشباب فى مجتمعنا من يستمع لهم ولمشاكلهم ؟
للأسف قليل جدا
السؤال الخامس: هل هذه المشاكل التى نعايشها فى مجتمعاتنا العربية تختلف عن المشاكل التى يعايشها الشباب فى المجتمعات الغربية ؟
طبعا تختلف اختلافا كليا وجزئيا
فالشباب هنا في بلادنا يعاني من مشكلات اقتصادية جسيمة
والشباب في الغرب يعاني من مشاكل اخرى
السؤال السادس: من هو المتسبب الأكبر فى أغلبية تلك المشاكل هل هو المجتمع أم الشباب أنفسهم ..... ؟
جزء كبير جدا يقع على الدولة لأنها لو أرادت النهضة لبلادنا لتم ذلك في سنوات قليلة جدا
واصبحنا ننافس الدول المتقدمة
ولكن التخلف اللي احنا فيه من مصلحة دول اخرى واجندات أجنبية
والجزء الاقل يقع على الشباب لأنهم معذورين بشكل كبير
السؤال السابع: هل تساعد وسائل الإعلام فى حل تلك المشاكل ؟
للأسف لا
اعلامنا مهتم بقضايا أقل أهمية
السؤال الثامن:على من تقع مسئولية حل تلك المشاكل فى نظرك ؟
على الدولة بكل أجهزتها
ثم
على المصلحين المخلصين من أبناء الوطن
ثم على الشباب أنفسهم
السؤال التاسع : هل هناك أمل أن يجد الشباب حل شامل لجميع مشاكلهم أم أن هذا مجرد حلم ؟
طبعا فيه امل ولن نفقد الامل
السؤال العاشر : ما هو رأيك فى فكرة مدونة " إحنا شباب النهارده " ؟ وهل تعتقد أن يكون لها دور فى حل بعض هذه المشكلات ؟
مدونة رائعة وفكرتها جميلة جدا
وان شاء الله يكون ليها دورفي حل المشكلات
تحياتي لمدونة احنا شباب النهاردة
29 نوفمبر, 2009
وصلت ل 100 ألف بفضل الله
السلام عليكم ورحمة الله وبركاته
كل عام وأنتم بخير
بمناسبة عيد الأضحى
والحمد لله
وصل تحميل الاناشيد من على المدونة
الى أكثر من 100 ألف داون لوود
على أربع أكونت على الفور شيرد
وكان النصيب الأكبر للتحميل هي أناشيد الأفراح
اللهم لك الحمد ولك الشكر
وان شاء الله عندي امل كبير في أن يصل التحميل الى مليون
والله المستعان
تصنيفات الأناشيد كالتالي
لا تنسوني من صالح دعائكم
أخوكم
محمد سليمان
كل عام وأنتم بخير
بمناسبة عيد الأضحى
والحمد لله
وصل تحميل الاناشيد من على المدونة
الى أكثر من 100 ألف داون لوود
على أربع أكونت على الفور شيرد
وكان النصيب الأكبر للتحميل هي أناشيد الأفراح
اللهم لك الحمد ولك الشكر
وان شاء الله عندي امل كبير في أن يصل التحميل الى مليون
والله المستعان
تصنيفات الأناشيد كالتالي
لا تنسوني من صالح دعائكم
أخوكم
محمد سليمان
29 أكتوبر, 2009
بعد شهر من الدراسة ..مواقف وطرائف 1
السلام عليكم ورحمة الله وبركاته
مر شهر منذ بداية العام الدراسي هذا العام وفعلا بالنسبة لي كان شهر حافل جدا بالاحداث
وسابدأ ان شاء الله في سرد المواقف التي قد تضحكون منها ومواقف تعلمت منها الكثير
نبدا بسم الله
تضحية
مع انتهاء امتحانات سنة خامسة عندنا يادوب قبل بداية الدراسة ب4 أيام تقريبا ، وجدت بعض اخواني يضحون بأجازتهم ويذهبون للكلية لمساعدة الطلبة الجدد الكتاكيت الجداد !!
فعلا منظرهم يصعب على المؤمن !
بس فعلا موقف أثر فيا كتير وأسأل لماذا يخرج من أجازته اللي هو لسة ما دخلهاش اساسا ليساعد الناس
انه حقا شخصية تربت على فعل الخير والبذل والتضحية والعطاء بدون مقابل
قد تتعب الابدان ولكن ما أحلى التعب ليكون لراحة وسعادة الآخرين
وأطلق عليه فعلا
التعب اللذيذ
مليون حسنة في اليوم !!
اليوم اللي الواحد بيروح فيه الكلية تلاقيه يوم حافل بالاحداث والاعمال التي قد تكون تلقائية بس ثوابها كبير جدا بعكس لما الواحد يقعد في البيت (نايم - أمام التلفزيون- على النت ......)
ممكن الواحد يروح الكلية بدري... مجدد عشرين نية للذهاب للكلية ( طلب علم-الخروج في سبيل الله- الدعوة الى الله-معرفة قدرة الله في خلق الانسان- تعليم العلم- مساعدة الناس ....وغيرها من النوايا الرائعة )
وتركب العربية تلاقي ست كبيرة تقعدها ..تدخل الكلية تبتسم في وجوه الناس وتصافحهم .. تقول لواحد كلمة طيبة وممكن يتغير بيها مسار حياته ..صلاة الظهر جماعة بمسجد الكلية ...وممكن كمان ثواب الأذان ..هيخلص ورده القرآني وغيرها من الأعمال الجميلة
وممكن يقفل في اليوم ده مليون حسنة فعلا
دكتور المستشفى
أعرف واحد كان بيعمل حاجة جميلة اوي ...كان يلبس البالطو الابيض ( أصل فيه عندنا أخضر كمان !!)..المهم يتجول في المستشفى عندنا عشان يعمل حاجة واحدة ...ان الناس تساله عن بعض الاماكن في المستشفى فيدلهم وأحيانا يروح يوصلهم للمكان ..وممكن يدخلهم للدكتور عشان يكشفوا وكدة ...فتذكرت أحد الصحابة كان يتجول في الاسواق عشان يقول للناس سلام عليكم وياخد ثواب السلام
وتذكرت (ولئن أمشي مع اخ لي في حاجة احب الى من ان اعتكف في هذا المسجد شهرا) حديث
انفلونزا الخنازير...ياريتها ما جت !!
انطلقت في الجامعة عندنا حملة بادر ( قدم خيرك انفع غيرك ) وكان اول اصدارات الحملة توعية بانفلونزا الخنازير وتعليق بوسترات عليها كيفية الوقاية ..وتم تعليقها في كل مكان في الكلية ..وطبعاعليها شعار الحملة بادر
فوجئنا تاني يوم بلوحات كتيرة مقطعة !! بس بطريقة عجيبة
بحيث القطع لكلمة الخنازير بس
ومن الطبيعي في اي جامعة مصرية ان اللي بيقطع الحاجات دي - بالذات لو من اصدارات التيار الاسلامي - هو الأمن وممكن بعض العمداء بنفسهم !! المهم
اتضح اللي كان بيقطع الحاجت دي واحد (مريض نفسي )
يصلي معنا في مسجد الكلية
سألني : هو أنتم اللي معلقين الحاجت دي ؟
قلتله : حاجات ايه
قالي : بتاع الانفلونزا
قلتله : أيوة
قالي : طب شيلوها !!
قلتله : ليه ..
قالي : عشان انتم معلقين كلمة الخنازير !! وانتم كدة بتعظموا قيمة الخنزير وهو حرام ...وعلى فكرة أنا اللي مقطع اللوحات بتاعتكم عشان كدة
طبعا أنا الدم فار في دماغي وكنت هفقد شعوري وكنت ممكن اضربه ! بس مسكت نفسي وتذكرت أنه تعبان نفسيا
ويجب التعامل معه بطريقة خاصة
المهم هديت نفسي
وقلتله برفق : يا حبيبي الحاجات دي للتوعية بالانفلونزا ..وكلمة الخنازير اتذكرت في القرآن أكثر من مرة وده مش معناه ان ربنا بيعظمها ..
فلو سمحت بطل التقطيع ده عشان كنت هتخلينا نعمل مشكلة مع الامن وكان ممكن يحصل مشاكل كبيرة جدا ..كويس ان انت قولتلي
المهم بعد حوار طويل وعريض .........ما اقتنعشي
فجاله أخ طول بعرض ...واتكلم معاه بأسلوب صعب شوية
المهم خاف وما بقاش يقطع !!
منها لله انفلونزا الخنازير
أنا الامام !!
حصل موقف السنة دي غريب شوية ...بعد الأذان وأثناء الاقامة ..قدمنا موظف من موظفي الكلية يؤمنا للصلاة ..راجل كبير ومحترم ..فوجئت بأحد الأشخاص الملتحين بيرجعه بعد ما قدمناه للصلاة ودخل القبلة !!
وبعد مشاكسات وحوارات !! أمنا الرجل (الموظف ) في الصلاة
وبعد الصلاة سالت هذا الرجل الملتحي : انت عملت كدة ليه ؟
قالي : عشان أدخل أنا مكانه !!
قلتله : ليه
قالي : كدة وخلاص
قلتله : عشان لحيتك يعني
قالي : أيوة !!
قلتله : وحضرتك حافظ القرآن
قالي : حافظ سور كتير منه
قلتله : انا بفضل الله حافظ للقرآن وكتير من اللي ف المسجد حافظين القرآن ..معملوش زي ما انت عملت ..بل هم اللي قدموا الرجل للصلاة ..راجل كبير ومحترم ومتدين وكلنا بنحترمه ..فما يصحش تعمل كدة ..لا أدبا ولا شرعا
ونفسي نفهم الدين صح
الراجل زعل منك
واللي ف المسجد زعلوا منك
وكل ده عشان ايه ؟
عشان تدخل تصلي بينا إمام !!
وبعد انتهاء الحوار انشغلت في كام مشوار كدة في المستشفى
وبعد حوالي ربع ساعة عديت على المسجد وجدت هذا الشخص عامل جماعة تانية وبيصلي بيهم امام !!
مش عارف ...ايه رايكم ؟
انا اتكلمت معاه صح ولا غلط ؟
وايه اللي كان ممكن يتقال؟
نكمل بقية المواقف والطرائف
في الحلقة القادمة ان شاء الله
26 أكتوبر, 2009
عودة بعد غياب
السلام عليكم ورحمة الله وبركاته
أعتذر لكل زوار المدونة
عن فترة الانقطاع السابقة
وأعتذر عن عدم القدرة على الرد على تعليقاتكم
وذلك بسبب الانشغال في الكلية
والاشراف على منتدى كليتنا
ستجدوني هناك دوما
www.docrest.com
منتدى دكتور ريست
طلاب طب المنوفية
وان شاء الله هبدا التدوين اسبوعيا على الاقل
تحياتي
محمد سليمان
Subscribe to:
الرسائل (Atom)
