الاثنين، 31 أغسطس 2009

خلصنا الباطنة ...الحمد لله



أخيرا
خلصنا سنة خامسة تقريبا
خلصنا الباطنة يا جماعة
أنا مش مصدق
بعد كل القلق ده خلصنا الباطنة
مش مصدق حد يفوقني يا جماعة لو كنت بحلم
بعد القلق والضغط العصبي خلصنا
بعد ما ضاع علينا أيام الرحمة لرمضان !!
خلصنا بعد ما اتبهدلنا بين النظري والشفوي والعملي
الحمد لله
كله بيعدي
وللعلم يا جماعة الباطنة مش فرع واحد ( باطنك بس!! )
الباطنة دي 14 فرع !!!
أفندم
أيو والله تخيلوا
كله بيعدي
طب هتعمل ايه دلوقت يا ضكتور ؟!!

هريح كدة يومين ولا حاجة وبعدين نعيل شوية (قصدي نذاكر أطفال )



وطبعا الاطفال هتبقى في العشرة الأواخر من رمضان
يعني رمضان ضايع ضايع معايا السنة دي !!!
دعواتكم
[....]

الجمعة، 28 أغسطس 2009

حتى لا ننسى مروة الشربيني



[....]

الاثنين، 24 أغسطس 2009

صلاة التراويح ...وصراع الأجيال




بعد الحمد لله والصلاة والسلام على رسول الله
أما بعد
في وسط أجواء الامتحانات
وبعد ما خلصت النظري لأول مادة وهي الباطنة بجميع فروعها بحلوها ومرها
دعيت الى صلاة التراويح في مسجدي الذي أصلي فيه
وهذا المسجد يعتبر من أفضل المساجد في قريتي الحبيبة
وله رواد كثر
وفي حي من أنشط الاحياء
فيه نشاط رهيب للدعوة الى الله
من مختلف الطوائف والجماعات
به الكبير والصغير والشباب والنساء
وكمان به عيون أمن الدولة ومخبرينهم
به شيخ من أرجل المشايخ في البلد
لا يخشى في الله لومة لائم
مسجد رائع بمعنى الكلمة وبه روح عالية
المهم دعيت الى الصلاة ( للإمامة في هذا المسجد ) وللمرة الأولى
وذلك بسبب غياب الشيخ حيث أخبرنا بأنه سيغيب وأن نتولى صلاة التراويح الليلة
المهم راجعت الآيات التي سأقرأ منها
والاخ الذي كان معي ورتبنا نفسنا للصلاة
وذهبت الى المسجد وأنا لدي شعور غريب
ربنا يستر ايه اللي هيحصل النهاردة في الصلاة
ولكم أن تتخيلوا أن المسجد عندنا به مجموعة من الناس كبار في السن
يحتلون الصفوف الأولى ...ويا داهية دقي لو حد جه جنبهم ( سوري في اللفظ )
ولما ذهبت للمسجد وقفت في الصف الأول بصعوبة طبعا
وكان هناك مفتش الأوقاف بيصلي في المسجد
المهم وقف يصلي بنا العشاء
ولما انتهى أخبره الأخ اللي معايا ان الشيخ غايب النهاردة فاتفضل حضرتك صلي بنا
المهم الشيخ أجاب بلباقة عالية ...اتفضلوا يا شباب زي ماانتوا مرتبين للصلاة
...لم يسكت أحد الناس اللي كنت بقولكم عليهم ( اللي مش بيطيق الشباب !!)
وقال للشيخ :يا عم الشيخ ما فيش برنامج ولا حاجة ...ما دام انت موجود صلي بنا وخلاص !!!
رد الشيخ بأدب : خليهم زي ما هم ...وربنا يتقبل مننا جميعا
وقف الأخ وصلى الأربعة الاوائل
وصليت الاربعة الاواخر والوتر
وانتهت الصلاة بفضل الله على أجمل ما يكون
وحمدت الله تعالى أن وجدت القبول عند الناس لصلاتي بفضل الله تعالى وليس بشطارتي
وانتهى الامر

..............
في هذا الموقف أسئلة بريئة
هل السن هو الفيصل في أمامة الصلاة ؟
وهل اذا كان هناك أحد الناس ولو من الشباب يحسن التلاوة والحفظ والتجويد يبعد عن الامامة وذلك بسبب صغر سنه ؟
وهل اذا كان هناك من يحسن التلاوة يبعد لأنه ينتمي الى جماعة معينة ؟!
وهل اذا كان رجل كبير لا يجيد القراءة بل يخطئ في التشكيل فضلا عن التجويد يفضل على الشاب الذي يحسن القرآن ؟!!
وهل من الحسن احتكار الامامة ؟!!


أحبابنا الكرام
أنا لا أقول بأني أريد وأصمم على الامامة ( بالرغم من دعوتي للصلاة في أكثر من 3 مساجد اخرى ) ...ولكن أدعوا الى تصحيح الأفهام وليكن مرجعنا كتاب الله وسنة الحبيب محمد صلى الله عليه وسلم
معذرة أخواني أتكلم بعنف شوية ...بس الموقف ده أثر فيا كتير جدا
والحمد لله نسيته من باب سلامة الصدر ونحن في رمضان ..اللهم تقبل يارب العالمين
تحياتي
[....]

الجمعة، 21 أغسطس 2009

جديد : ألبوم (نفسي أتوب ) للمنشد المصري الصاعد بقوة محمد عباس


السلام عليكم ورحة الله وبركاته
بمناسبة قدوم شهر رمضان
أقدم لكل الحبايب

الألبوم الروحاني الرائع

للمنشد المصري محمد عباس

ممثل مصر في منشد الشارقة

وهو زميل عزيز في طب القاهرة (زمل يعني !!)

الألبوم يتحدث عن التوبة والصلاة وحب الأم

والعزة بالاسلام والأخوة الاسلامية وغيرها من المعاني الرائعة

مش هطول عليكم

نبدأ بسم الله


أمي
http://www.4shared.com/file/126558226/6723a3e1/_online.html


اتوضى وصلي
http://www.4shared.com/file/126557229/afffae26/__online.html


ان سألت القوم عني
http://www.4shared.com/file/126559107/98e828c9/___.html


ذرفت دموعي
http://www.4shared.com/file/126566825/54c27a6e/__online.html


كتبت مأساتي
http://www.4shared.com/file/126568279/cd4b30e5/__online.html


نفديه بروحنا
http://www.4shared.com/file/126561042/f38214a/__online.html


نفسي اتوب 2
http://www.4shared.com/file/126562810/80e74a75/__2.html


نفسي اتوب
http://www.4shared.com/file/126561913/a99de16/__online.html


هذه وصيتي
http://www.4shared.com/file/126563658/58724d2c/__online.html


الألبوم فعلا رائع جدا جدا
وكله بلا ايقاع
يلا مستنين ايه ؟
حمل بسرعة

[....]

الاثنين، 17 أغسطس 2009

منها لله الامتحانات ...قبحها الله من امتحانات



في أي كلية عدلة ( بتوحد ربنا) في مصر
البشر اللي فيها بيبدأوا عادي في نصف شهر سبتمبر
ويمتحنوا في شهر 6
وياخدوا الاجازة ويتمتعوا بيها
لكن بعيدعنكم وبعيد عن السامعين (الا اللي غاوي طبعا)
في كلية ليلها نهار ونهارها ليل !!
امتحاناتها في وقت أجازة الناس التانيين!!
وأجازتها في أوقات الدراسة العادية!!
حسبي الله ونعم الوكيل
الواحد اتخنق خلاص من الامتحانات والمذاكرة والحر و...و...
يلا الحمد لله
ربنا يجعله في ميزان حسناتنا ان شاء الله
طلبة طب دول مجاهدين بمعنى الكلمة (جهاد طلب العلم)
المهم
منها لله الامتحانات
اللي تمنع الناس من الاستمتاع بالاجازة
منها لله الامتحانات
اللي تمنع الناس من المصايف زي البني أدميين
منها لله الامتحانات
اللي بترفع الضغط وتجلب الصداع وأحيانا السكر (بعيد عنكم وعن السامعين )
منها لله الامتحانات
اللي هتحرمني من الاستمتاع برمضان والاستعداد له
منها لله الامتحانات
اللي هتخليني أصلي التراويح وأنا قاعد بفكر في الامتحان (ادعولي بالخشوع)
منها لله الامتحانات
اللي بترفع مستوى الادرينالين في الدم وبالتتابع يؤثر على أجهزة الجسم
منها لله الامتحانات
اللي بتعمل ضغط نفسي على الواحد وده بعيد عنكم بيعمل (قرحة في المعدة وتأثيرات فسيولوجية ونفسية أبقى أحكيلكم عليها بعدين)
منها لله الامتحانات
اللي بتفرق الأحباب والاصحاب وتبعد المسافات
منها لله الامتحانات
اللي بتربي الكرش (مشكلة طلعلي كرش !!! هبقى قيادي على رأي دكتور حر!!)
منها لله الامتحانات
اللي بتضعف النظر وتخبل الدماغ وتغيب العقل
منها لله الامتحانات
اللي بتخلي الدكاترة يتحكموا فينا وفي مصيرنا والشفوي وما أدراك ما الشفوي في كلية طب ؟ الله لا يوريكم
منها لله الامتحانات
اللي بتحبس الواحد في البيت زي المعتقل (الله لا يوريكم) بين أربع حيطان ومكتب وبضعة كتب وشوية أقلام وأوراق متناثرة
منها لله الامتحانات
اللي ....كفاية كدة ....الله يسامحها نعمل ايه بقى

شعارنا في الامتحانات
نحن قوم لا تهزنا الجبال العوالي
فكيف بورقة كتب عليها : أجب عن السؤال التالي !!


وقفة
كنت أتحدث مع الست الوالدة في صبيحة أحد الامتحانات وكنت قلقان جدا
قالتلي لو نعمل حساب امتحان الاخرة نص اللي بنعمله في امتحان الدنيا كان زمانا حاجة تانية خالص
والله عندها حق
لو الواحد بيشيل هم صلاة الفجر زي ما بيشيل هم الامتحان كان زمانه ما فوت صلاة فجر واحدة
ولو حمل هم القبر ما تناسى قيام ليل أبدا
يلا الحمد لله

دعواتكم معايا يا جماعة في رمضان
ادعولي أنا وجميع مجاهدي الطب وانتوا بتصلوا التراويح وبتصلوا التهجد
لا تنسونا بدعائكم ...وربنا ما يحطكم في زنقة
وبمناسبة رمضان
شوية تصميمات كنت عملتها قبل كدة
اتفضلوا






أخوكم
محمد سليمان
من مجاهدي كلية الطب

[....]

الخميس، 13 أغسطس 2009

كل السنة رمضان....أغنية رائعة عن رمضان



كل السنة رمضان

غناء: محمد رجب وأحمد ابو الفتوح
.........
كل السنة رمضان
أنا نفسي أعيشلك وبجد محتاجلك

وأتمنى أنول الرحمة والغفران

وأشتاق لطيفك وأستنى وأحسبلك

وأقول ياريت كل السنة رمضان

**********
**********

أيام وليالي رمضان والخير ألوان

قرب هنا من ربنا الله الله

أغلى وأحلى الأوقات بر وحسنات

في بيتنا وبيوت حينا في بيوت الله

**********

شهر التقى يحلى اللقا و خلاص خلاص

دا أحلى لقا اللي مفيش زعل بين ناس وناس

وآدي ابتسامة أهي بين جار وجار

واللمة حلوة اتجمعت ساعة الفطار

***********
والشهر دا كله هدى وحب وايمان

وياريت تكون كل السنة رمضان

********
********
وعيوني فيك شايفة بعينك الدنيا وردي

مسكين بيفرح بالزكاة وغني بيدي

نهار صيام والقيام مفيش كدة

ونطوف نشوف أمة في صفوف متوحدة

********
والشهر دا كله هدى وحب وايمان

وياريت تكون كل السنة رمضان



للتحميل
http://www.4shared.com/file/124835824/d2916891/___online.html

شكر خاص أ. هيثم (فكك مني)

معا لنشر الفن الهادف
http://www.facebook.com/group.php?gid=112348887695


[....]

الثلاثاء، 11 أغسطس 2009

أجمل أناشيد رمضان ...لعيونكم


كل سنة وأنتوا طيبين

رمضان على الأبواب ربنا يغفر ذنوبنا جميعا
رمضان كدة سنة ورا سنة
بالخير يجي ويضمنا
محلاها جنة ربنا للي جاهد وصام

كلما أتذكر رمضان أحس بأن روحي بترفرف في السما

وقد جمعت لكل صحابي وحبايبي أجمل أغاني رمضان
تنعش القلوب فعلا وتسري عن النفس في وسط عناء العبادة والصيام
ولا تنسوني من دعائكم


نبدأ بسم الله


أقبلت يارمضان
للمبدع مشاري العرادة

http://www.4shared.com/file/124020181/b12814f4/___online.html


العشرة الأواخر
ايهاب توفيق

http://www.4shared.com/file/124021670/fc44494d/__online.html



توتة توتة
أطفال

http://www.4shared.com/file/124022917/2d9393bb/_online.html



رمضان السنة دي
http://www.4shared.com/file/124024008/8e8ddb38/___online.html



رمضان
للمبدع المصري عصام فتحي

http://www.4shared.com/file/124024897/c1e32c58/___online.html



رمضان قد أهل
للمبدع الخليجي أبو خاطر

http://www.4shared.com/file/124025873/e0b1a2aa/____.html



رمضان سنة ورا سنة
رائعة جدا

http://www.4shared.com/file/124027157/7032f735/___online.html



شهر رمضان
تامر حسني

http://www.4shared.com/file/124027889/2df59ff0/___.html



طل القمر
ميس شلش

http://www.4shared.com/file/124028476/6bab779c/__online.html



عدت الأيام
http://www.4shared.com/file/124029497/3a930de1/__online.html



ليلة القدر
مشاري راشد

http://www.4shared.com/file/123999490/318fc615/___.html



مسحراتي
http://www.4shared.com/file/124032149/842f32f1/_online.html



هل الهلال
تامر شاهين

http://www.4shared.com/file/124033467/efd6d8fa/__online.html



هلال رمضان
ايهاب توفيق

http://www.4shared.com/file/124035293/4ec52342/___.html



علقنا الزينة
http://www.4shared.com/file/124034493/f2f43895/__online.html



والله زمان يا رمضان
http://www.4shared.com/file/124036265/328b3556/___.html



بقية الأناشيد على هذا الرابط (أكثر من 40 أنشودة )



أو على هذا الرابط

http://www.4shared.com/dir/18258276/9a09bf60/_sharing.html



لا تنسوني من دعائكم

أخوكم محمد سليمان



[....]

الخميس، 6 أغسطس 2009

يا حبيبة الرحمن....اهداء إلى روح الشهيدة مروة الشربيني (شهيدة الحجاب)


الى شهيدة الحجاب
الى التي دافعت عن اسلامها في بلاد الكفر
الى التي حافظت على اسلامها وحجابها وسط مجتمع ينشر الرذيلة
الى الدكتورة مروة الشربيني أهدي هذا النشيد
************
*********
****
**
*
يا حبيبة الرحمن

أهلا بيكي سلام
دا أنتي بنور الله
نورتي الاسلام

****
تعالي في الله نتمنى
إنه يدخلنا الجنة
دايما يرضى علينا
يبعد جهنم عنا تعالي

يافرحة محمد بيكي
وأنتي معانا بتقولي الله
ويافرحتك انتي بيه
وأنتي داخلة الجنة معاه

*********

يافرحة محمد بيكي
وأنتي رافعة ايديكي لله
ويافرحتك انتي بيه
وانتي داخلة الجنة معاه

يارب بارك فيها

واجعل ايمانها يزيد
ونولها الشفاعة
واجمعها مع الحبيب

*****
آمين يارب العالمين

النشيد أداء المنشد عاطف مهدي وابنته آية مهدي
للتحميل

تحياتي أخوكم

محمد سليمان

[....]