الأربعاء، 25 يونيو، 2008

ذاكر تنجح غش تجيب تقدير

ذاكر تنجح غش تجيب تقدير



في يوم من الايام ذهب ضكتور الى الامتحان في مادة الشرعي (الجريمة لا تفييد هنجيبك هنجيبك)

وشرع في الحل والكتابة عشان ينجح السنة دي ويطلع منها على خير

وزعوا الورق ومضى نصف الوقت

ولأول مرة في تاريخ ضكتور الامتحاني يذهب الى الحمام

وذهب ضكتور الى الحمام

ويصعق ضكتور !!


ماذا وجد


يجد كتاب المادة اللي بيمتحن فيها


ماذا يفعل ضكتور؟


الفرصة أمامك يا بو الضكاتير


فيه كام سؤال عايز تتأكد منهم


فرصتك يا ضكتور


تذكر ضكتور ربنا


وافتكر حديث النبي ( من غشنا فليس منا )


فرصتك الوحيدة يا ضكتور


لا لا لا


اسرع ضكتور وخرج من الحمام مسرعا قبل أن يقع في جريمة .............الغش


وبعدين يجو الجماعة بتوع الشرعي


ويشوفوا البصمات في مسرح الجريمة!!


خرج ضكتور مسرعا الى لجنته


ليجد بعض زمايله الطلبة عامليين دويتوهات ( جمع دويتو )


واديها غش يا جدع


ماساه


ازاي طالب طب يغش بالطريقة دي

هيطلع ده ضكتور ايه؟!


هياخد أكتر من حقه


هيفرح بمجموع عالي


بس ربنا مش هيباركله



القصة وما فيها


القصة ان الطفل اول ما يدخل المدرسة وجد ان الغش حق مكتسب

لازم يغش


ولو ما غشش يبقى فيه حاجة غلط


يدخل الاعدادي والسنوي والجامعة اتعودعلى كدة

يتخرج يشتغل يغش في شغله


والنتيجة أصبحنا في قائمة الدول المتخلفة عفوا أقصد العالم الثالث


حرام ولا حرام


اتصور ان اللي بيغش وأخد خمسة في المية زيادة


بتكون حرام في مجموعه


دخل سنوي وغش ودخل طب ( غش وسرقة ...سرق مكان زميله في الكلية )

وغش في الكلية زاد واحد في المية حرام


هيشتغل هيبقى فيه جزء من ربحه حرام


هيأكل ولاده حرام

قلة بركه

وكل لحم نبت من سحت فالنار أولى به


يعني الغش جريمة مكونة من ( غش وسرقة وأكل حرام وقلة بركة )


كل ده عشان ايه يعني؟!!


يارب ارزقنا بالحلال


[....]

الثلاثاء، 17 يونيو، 2008

امتحان شفوي !!!

امتحان شفوي !!!

من كواليس امتحان البارا
(لجنة امتحان البارا الشفوي)
(دكتور يجلس وأمامه طالب)


الدكتور: اسمك ايه ورقمك كام

الطالب: شنوفي مهيطل الدهل ورقمي 016012010 عايز رقم البيت كمان ؟!!

الدكتور: احنا هنهزر ياله رقمك في الكشف ....احنا هنصاحب ولا ايه....... نهارك زي العسل معايا النهاردة

الطالب: معلش يا دكتور

الدكتور: ايه أنواع الeggs البيض يعني

الطالب: نعم!! مخدناهاش يادكتور 36_20_1[1].gif

الدكتور: ماهو لوأنت بتحضر محاضرات كنت عرفت

الطالب: (في سره: ياعم الحج هو فيه حد بيحضر أصلا أنت هتشتغلني ولا إيه)
الدكتور: بتبرطم بتقول إيه؟!!

الطالب: هه ....... ما ببرطمش ولا حاجة يا دكتور

الدكتور: يعني ما انتش عارف

الطالب :لا يا دكتور

الدكتور: يا حمار فيه عندنا egg بلدي egg أفرنجي وفيه مسكوفي وفيه بتاع بط وفيه بتاع وز.... دا حتى دلوقت التلت بيضات بجنيه !!

الطالب في سره (ايه يا عم الحاج أنت شايفني قاعد في مزرعة فراخ هنا ولا إيه شويه وتسألني عن الفراخ المسكوفي والفراخ الشمرط والفراخ البيضا يا عم أرحمنا بقة)

الدكتور: ياد بتبرطم وتقول ايه؟!!

الطالب: أبدا يا دكتور ما فيش حاجة

الدكتور: طب هسألك حتة كلينيكال شرحتها في المحاضرة..... سمعت طبعا عن egg of fasciola قلي لو انت معاك بيضة فاشيولا وطلعت فوق سطح الكلية ورمتها من فوق وما انكسرتش تعرف تقولي ليه؟!!

الطالب : أيييييه ...ممكن عشان عندها double wall وحجمها صغير ما بتنكسرش

الدكتور: أنت باين عليك ما بتحضرش محاضرات خالص ..أنا شرحتها في المحاضرة ( ويقرسه من ودنه)يا غبي لأنها وقعت على الجنب المغسول بمعجون الأسنان سيجنال تو وده بيوفرلي متانة وقوة وبالتالي ما تنكسرش عرفت يا غبي يا حمار يا حلوف يا بو ديل
الطالب :الله يسامحك

الدكتور: قلي لو أنت ماشي في الغيط ايه الحاجات اللي ممكن تخش ف رجليك وأنت ماشي وتصيبك

الطالب: ايييييييييييه ممكن ancylostoma وو strongyloides

الدكتور: يا بني حرام عليك أبوس دماغ أهلك وعيلتك وأخوك الصغير ابقوا احضروا محاضرات بقة ...ياغبي لو ماشي حافي الأزاز اللي في الغيط ممكن يخش ف رجليك ممكن واحد رامي دبوس مكتب يخش ف رجليك عرفت يا حتة زبالةسمعت عن حاجة اسمها INTERMEDIATE HOSTE ؟

الطالب: سمعت يا دكتور وده بيبقى حاجة كدة بتشيل ال parasite لغاية م يصيب ال host النهائي... ايه رأيك بقة أنا حضرتلك المحاضرة دي بقة

الدكتور :جدع ياله مية مية بس ايه رأيك في البدلة اللي كنت لابسها ايه رأيك في ربطة الجرافتة

الطالبك (في سره: يا عم دي كانت معفنة دا حتى كانت متعاصة طباشير من ورا )كانت جامدة يا دكتور انت زوقك مية مية

الدكتور: انت حتصاحبني ولا إيه نرجع لموضوعنا من ضمن intermediate host الفران والقطط والكلاب والخنازير والبط والوز تعرف تفرقلي ما بين البط والوز

الطالب: (في سره :يا نهار أسود احنا رجعنا للمزرعة تاني يا عم ارحم أهلي بقة وحل عن نفسي وطلعني من الزريبة دي اللي انت دخلتني فيها دي ) بص يا دكتور أنا كنت تعبان في المحاضرة دي وما حضرتهاش ممكن تعرفهالي؟!!

الدكتور: (بإنبساط) بص يا بني

عندنا فيه خمس فروق بين البط والوز

أولا تقدر تحلق شعرك زلبطة أنما ما تقدرش تحلقه زلوزة

ثانيا فيه رحالة اسمه ابن بطوطة انما ما مافيش حد اسمه ابن وزوزة

ثالثا تقدر تبلبط في المية أنما ما تقدرش تبلوز فيه

رابعا في الشتا تقدر تستغطى ببطانية لكن ما تقدرش تستغطى بوزانية

خامسا في فرق جوهري جدا وهو ان الوزة كانت زمان بطة لكن الشيطان وزها

بص بقة من الاخر انت واد زبالة ما بتحضرش محاضرات وعمال تسرمحلي طول السنة وتسيب المحاضرة وتعقد ف الكافتيريا تحتأنا وراكو يا سنة تالتة اما ربيتكوا السنة دي ما ابقاش أنا الدكتور لكلوكة المرعب امشي من قدامي جتكوا البلاوي اللي بعده
[....]

الخميس، 12 يونيو، 2008

عزاء واجب

عزاء واجب
وكيل كليتنا
توفيت والدته الكريمة
اللهم ارحمها واغفر لها
آمين
البقاء لله







[....]