الأربعاء، 25 يونيو، 2008

ذاكر تنجح غش تجيب تقدير

ذاكر تنجح غش تجيب تقدير



في يوم من الايام ذهب ضكتور الى الامتحان في مادة الشرعي (الجريمة لا تفييد هنجيبك هنجيبك)

وشرع في الحل والكتابة عشان ينجح السنة دي ويطلع منها على خير

وزعوا الورق ومضى نصف الوقت

ولأول مرة في تاريخ ضكتور الامتحاني يذهب الى الحمام

وذهب ضكتور الى الحمام

ويصعق ضكتور !!


ماذا وجد


يجد كتاب المادة اللي بيمتحن فيها


ماذا يفعل ضكتور؟


الفرصة أمامك يا بو الضكاتير


فيه كام سؤال عايز تتأكد منهم


فرصتك يا ضكتور


تذكر ضكتور ربنا


وافتكر حديث النبي ( من غشنا فليس منا )


فرصتك الوحيدة يا ضكتور


لا لا لا


اسرع ضكتور وخرج من الحمام مسرعا قبل أن يقع في جريمة .............الغش


وبعدين يجو الجماعة بتوع الشرعي


ويشوفوا البصمات في مسرح الجريمة!!


خرج ضكتور مسرعا الى لجنته


ليجد بعض زمايله الطلبة عامليين دويتوهات ( جمع دويتو )


واديها غش يا جدع


ماساه


ازاي طالب طب يغش بالطريقة دي

هيطلع ده ضكتور ايه؟!


هياخد أكتر من حقه


هيفرح بمجموع عالي


بس ربنا مش هيباركله



القصة وما فيها


القصة ان الطفل اول ما يدخل المدرسة وجد ان الغش حق مكتسب

لازم يغش


ولو ما غشش يبقى فيه حاجة غلط


يدخل الاعدادي والسنوي والجامعة اتعودعلى كدة

يتخرج يشتغل يغش في شغله


والنتيجة أصبحنا في قائمة الدول المتخلفة عفوا أقصد العالم الثالث


حرام ولا حرام


اتصور ان اللي بيغش وأخد خمسة في المية زيادة


بتكون حرام في مجموعه


دخل سنوي وغش ودخل طب ( غش وسرقة ...سرق مكان زميله في الكلية )

وغش في الكلية زاد واحد في المية حرام


هيشتغل هيبقى فيه جزء من ربحه حرام


هيأكل ولاده حرام

قلة بركه

وكل لحم نبت من سحت فالنار أولى به


يعني الغش جريمة مكونة من ( غش وسرقة وأكل حرام وقلة بركة )


كل ده عشان ايه يعني؟!!


يارب ارزقنا بالحلال


تعليقات: 5

رحـــــال يقول...

بارك الله فيك اخى الضكتور ..ههه

ونفع بك واكثر من امثالك ..

ولا للعالم التالت ..

جمعاوى روش طحن يقول...

هاهاها
اضحك الله سنك

بس طلب رخم شوية


ياريت تخلى التعليقلت فى نفس الصفحة و تشيل تأكيد التعليق دى

غير معرف يقول...

ياريتها جت لحد الغش ..

يعد كده حضرتك هتقعد فى البيت وهتلاقى ورقة الامتحان جاية لحد عندك

زى ماحصل فى الثانوية السنة دى



تحياتى لك ضكتور

والاخ رحال والاخ جمعاوى


اخوك \ طاحوووووون

دعاء يقول...

والله جدع هى دى الضاكتره وللا بلاش

ضكتور يقول...

نورتني أخي رحال وأخي جمعاوي
وغالي والطلب رخيص