الأحد، 17 مايو، 2009

رحلة رهيبة



قبل الخوض في امتحانات آخر السنة ومن قبلها الاند روندات

طقت في دماغنا اننا نروح نصيف
روحنا اسكندرية (( عروسة البحر )) على رأي واحد صاحبنا !!!
وبدأ البرنامج بالنوم !!
وبعده الصحيان
وبعد كدة كلنا وقومنا نازلين
نروح فين فين فييييين؟!!!
طق في دماغنا نروح البحر الساعة 10 باليل !!
ودخلنا ع البحر الرهيييب كان شكله مرعب بالليل
وافتكرنا عبارة السلام 98 وازاي الناس غرقت بالليل !!
يا نهار عسسسسل !!
وقعدنا ع الشط وقعدنا نلعب فب الرمل برده بالليل !!
واتكلمنا وهرجنا وضحكنا
وفجأة يأتي اثنين من حرس الحدود والسواحل علينا
النهار قصدي الليل باين من أوله !!
بتعملوا ايه ؟!!
عمليات تهريب ولا مخدرات ولا هجرة لإيطاليا ؟!!
قولنالهم والله يا باشا احنا طلبة غلابة وكمان في طب أي والله
ععععععععععععع هههه عععععععع (( عياط يعني ))
المهم في الاخر سا بونا !!
ههههههههههه
ومشينا وروحنا جري على الشقة !!!
ونمنا من ليلتنا واستيقظنا فجرا وبعد الصلاة والاذكار والورد الرياضي نمنا تاني !!
مش عارف رايحيين ننام ولا ايه ؟!!
وبعد ما صحيييينا اخونا جي عمل الفطار المتين
وكلنا ونزلنا البحر بس بالنهار بقى !!! مفيش حرس سواحل
وخلصنا البحر ورجعنا لاقينا المية قاطعة
بقينا زي ريحة السمك الزفر هههههههه
المية جت واستحمينا من أثر الملح ونضفنا كدة وبقينا بنبرق زي الصيني بعد غسيله !!
ونزلنا نتمشى باليل في شورارع الاسكندرية (فضا بقة نعمل ايه يعني ))
وتاني يوم صحينا الفجر وقولنا الاذكار ولعبنا الورد الرياضي ونمنا ((ههههههه))
وصحينا ونزلنا نشوف تاريخنا العظيم
روحنا الى قلعة قايتباي ورتجولنا فيها تجولا كويسا وعرفنا ازاي كان جنودنا البواسل بيصدوا المعتدين
واتصورنا وزبطنا نفسنا كدة
آه قبل ما أنسى اشترينا جيلاتي من عند عزة !!
وركبنا اتوبيس لمكتبة الاسكندرية .. وشوفنا متحف أنور السادات
وروحنا بعد كدة نتغدى في أحد مطاعم الكوشري والكبدة الاسكندراني الرهيبة
وانطلقنا بعدها الى مول سان استيفانوا جراند بلازا بعد رحلة طويلة في الترام تقرب من الساعتين
وتجولنا في المول وما أدراك ما المول ؟!!
بشر تانيين غير اللي بنشوفهم برة !!
أسعار خيالية
وعلى رأي ابراهيم نصر: نبص بس !!
واتفرجنا ونزلنا نلف برده في شوراع وميادين الاسكندرية
وعدينا على كوبري ستانلي
وروحنا الساعة 2 ليلا
وفي اليوم الثالث
بعد صلاة الفجر والاذكار والورد الرياضي عملنا ايه ؟؟
نمنا برضه
وصحينا وروحنا البحر وودعناه بكام غطس على كام شرقة على كام شربة مية ملحة
واتعدينا وركبنا قطر ورجعنا
وخلصة الحدوتة
مواقف لا تنسى
لا أنسى أخويا رضا وهو عمال يلعب في الرمل ويحط على دماغه رمل
عشان متأكد انه هينزل المية تاني !!
ولا أنسى حسام لما ..........اتقطع يعيني ولبس الجلباب بتاع جي
ولا أنسى باسم وهو ينام كالقتيل الذي لا يوقظه الا الماء البارد !!
ولا أنسى جي وهو عامل زي الشريك المخالف ...ربنا يكرمك يا جي
ولا أنسى أبو يوسف وهو بيتصور في زؤر صغير في القلعة ...
ولا أنسى البربري ونضارته السمراء زي المخبرين أو مخابز عيش الدولة !!
ولا أنسى المهند وهو لابس قميص وجرافته شيك حاجة كدة زي المرشدين السياحين
ربنا يكرمكم يا شباب سنة خامسة ونخلص منها على خير
وربنا يسترها معانا السنة دي
ونعدي منها على خير
أخوكم الفقير الى الله
محمد سليمان

[....]

الخميس، 7 مايو، 2009

حمدا لله على سلامتك





أكثر من شهرين مرا على اعتقال الزميل طبيب الامتياز الدكتور أحمد عبد الباسط من الباجور

جاء اعتقاله الدكتور أحمد على خلفية التضامن مع غزة

والدكتور أحمد لمن لا يعرفه رجل دمث الخلق منظم الفكر مهتم بالتخطيط الجيد للاعمال لطالمنا اتحفنا بكلمات المسجد الرائعة

فهو يحب الابداع والمبدعين وله جهد مشكور فى الدعوة الى الله
خرج منذ 5 أيام

وأقول له

إن الابتلاء سنة من سنن الله في الكون فقد ابتلي الصالحون وقد ابتلي سيدنا النبي صلى الله عليه وسلم

يقول تعالى (( أحسب الناس أن يتركوا أن يقولوا آمنا وهم لا يفتنون ))

أبشر يا أخ أحمد بعلامات الايمان

وأبشر بغفران الذنوب

وهنيئا لك الثبات على طريق الدعوة

أسأل الله تعالى أن يحفظك ويرعاك وسدد على طريق الحق خطاي وخطاك

أخوك محمد سليمان





[....]