الاثنين، 28 يوليو، 2008

ضكتور جدا تصميم جديد




[....]

السبت، 26 يوليو، 2008

خلصت الإمتحانات أخيرا...كفارة

http://admins.20at.com/aly/CBR003954.jpg


خلصت الامتحانات أخيرا
وبعد عناء شهرين من الفحت المتواصل خلصت الامتحانات
بعد ما كادت روحي تخرج مني
يالله كم تمنيت هذا اليوم
تعلمت من فترة الامتحانات شوية حاجات
أولها
ان لكل شي له بداية لا بد وأن تكون له نهاية
ثانيا
اذا بدأت أي عمل لا بد من اتمامه حتى لو تأخرت في عمله في يومه المحدد
ثالثا
أجمل حاجة وأكثر بركة المذاكرة بعد الفجر عايز أعمل أي حاجة وأداوم عليها لا زم أعملها بعد الفجر
رابعا
ألا بذكر الله تطمئن القلوب فقد مر علي وعلى زملائي أوقات صعبة جدا جدا ضغط عصبي شديد وذا لم يهدأ الواحد منا قد تصيبه أمراض كثيرةفلا مطمئن من هذا الا ذكر الله تعالى
خامسا
الشفوي ده بتاع ربناوكان شعارنا في امتحان الشفوي
استغفروا لأخيكم فإنه الآن يسأل
سادسا
الكتابة والحل في الامتحان رزق من عند ربنا سبحانه وتعالى
والمصحح رزق من عند ربنا
سابعا
الامتحانات دي نعمة من ربنا بتقرب الواحد لربنا سبحانه وتعالىخاصة في أوقات الكرب والهم والحزن
ثامنا
استفدت شخصيا من الامتحانات انها بتزود التخيل والأفكارحطيت جنبي على المكتب أجندة مخصوص
اسمها أجندة الأفكارأي فكرة تجيلي أكتبها بسرعة قبل ما تطيروبفضل الله كتبت أفكار كويسة جدا جدا في حياتي ولدعوتي
تاسعا
التميز !! كل الناس واخدة أجازة وأنا بأمتحن وهذا يعطيني احساس التميز
عاشرا
الشعور بالندم أحياناعلى الأوقات اللي ضيعتها في أول السنة

من أجمل المواقف
امسك غشاش
في امتحان الشرعي كما ذكرت سابقا ذهبت الى الحمام فوجدت كتاب المادة بس الحمد لله ما رضيتش أفتحه

تحب تطلع ايه؟!!
كان في امتحان الشفوي في الشرعي كان فيه دكتورة ظريفة جدا جدا بتسأل بطريقة عجيبة جدا جداتقولك عايز تطلع ايه فمثلا لو قلت عايز دكتور جراحة تسألك في أنواع الجروح وأهميتها من الناحية الشرعية ولو واحد اتخبطت في دماغهنعمله ايهولو قلت دكتور نسا وتوليدتسألك في الاجهاض وهكذا المهم سألتني قلتلها جراحةوبعدين قالتلي مش عايز تبقى دكتور نسا طيب قلي ايه انواع الاجهاض ومين اللي ممكن يعمله

الكتاب المقدس!!
في قسم الرمد عملوا كتاب أول مرة ينزل السنة ديوبعدين في امتحان آخر السنة كنا مطالبين بالاجابة على الامتحان من الكتاب المقدس!! وطبعا معظمنا بيذاكر من كتب برةالمهم وصلتنا أخبار ان التصحيح زي الزفت وربنا يستر وننجحالحاجة التانية هم بيقتلوا فينا الابداع والابتكار وموهبة التأليف !! ربنا يسامحهم بقة وربنا يخليلنا الكتاب المقدس

كرامات يا ولاد كرامات!!!
في احدى الامتحانات الشفوي كنت خايف ادخل لدكتور معين المهم دخلتله في الاخر بمشيئة ربناالمهم لما قعدت قدامه قالي فيم معناه شكلك مخنوق مني ومش عايز تدخلي لو مش عايز ادخل لأي دكتور تاني لو عايز
انا مش عارفك وبراحتك
كان نفسي أقوم بس اتحرجت
وقلتله مفيش مشكلة يا دكتور انا تحت أمرك
طيب خد الورقة دي وارسملي (حاجة عندنا في الرمد)!!
المهم رسمتاكتب اسمك ورقم جلوسك !! انا مش عارف هو نظري ولا شفوي
وقعد يسألني شوية كويسين المهم عدت المادة
تاني يوم بعتلي شئون الطلبة وقالي تعالى امتحن الشفوي عشان الدرجة ما اتكتبتش
يا جماعة انا امتحنت مع الدكتور فلان وحضرت فب العملي (في نفس اليوم) وكنت موجود المهم يشاء ربنا ان كان في دكتورة معينة كان نفسي امتحن عندهايا دكتورة انا امتحنت واللهوقعدت تدور على ورقتي بتاع الرسمة وهي بتقلب في الورق صدمت من الدرجات اللي حطها الدكتور دهوقلت في نفسي يارب ما تلاقي ورقتيوفعلا ما لاقتش ورقتي
قالتلي تعالى امتحنك سؤالين بساط جاوبتهم ومشيت وحطتلي الدرجة بفضل الله وربنا رزقني يجي 15 درجة فرق رزق من عند ربنا

يوم شاق جدا جدا
في امتحان الانف والاذن الشفوي كان المفروض بداية الامتحان الساعة التاسعة وعلى لجنتين شفوي المهم كنا واقفين على رجلينا من 9 صباحا وحتى الساعة الرابعة عصرا !!!عرق غزير وخنق بالجرافتات وضغط عصبي شديد وعدى النهار وربنا سهل اصبت بالاعياء تاني يوم يلا بس كله يهون في سبيل الانف والاذن


الشبة يعني ايه ؟!!
في امتحان طب المجتمع الشفوي دخلت لدكتور قعد يسألني في اسئلة غريبة جدا جداسمعت عن المرض الفلاني
ارد لا والله ماخدتش بالي
طيب ph يعني ايه بالعربي
طيب الشبة بالعربي يعني ايه ايه
ياعم احنا قاعدين شغالين ترجمة وخلاصياعم الحج اسئلني في حاجة عندنا في المنهج
يلا خييييير
أهي عدت الامتحانات وخلاص بلا وجع دماغ
ويجعله عامر
[....]

الاثنين، 7 يوليو، 2008

زجل (فرحنا اسلامي)

http://akhawat.islamway.com/forum/uploads/post-46243-1224817406.jpg

الزجل ده حفظه من زمان
ومعرفش مين اللي مؤلفه صراحة
وينفع يتقال في حفلات العقد ف المسجد وفي صالات الافراح

زجل أفراح

الناس بتعمل فرحها في الصالة والنادي
تدفع شقى عمرها واحنا بنادي
ماتيجي نعمل فرحنا بسنة الهادي
دا رضاه على أمته من رضا مولاه


نقرا كتاب ربنا لو مات لنا واحد
وكأننا بنعلقه من شر عين حاسد
لو قريناه في الفرح نزعل ونتاخد
ونقول قلبتوا الفرح ميتم لا حول الله


مين زينا مين في الفرح يا خوانا
لا نظرة تئذي العين ولا خلطة تفتنا
مشاكلنا مهما تزيد الحل من دينا
بس احنا يا مسلمين اسلامنا ضيعناه


مين غير خنا وذنوب يا محلى أحفالنا
يا شبابنا انووا وقول ان شا الله عقبالنا
هنغيظ كده ابليس ونكيد في عزالنا
لا جواز زهدنا فيه ولا نسل حددناه



يا عريس عروستك أمانة هتتسأل عنها
عرفها معنى الدين حفظها قرأنها
معنى العفاف والصون جوة الحجاب زانها
محلى حياتكم سوا في ظل شرع الله



وابني معاها البيت ع التقوى والسنة
دا طريق حلاوته أكيد وأخرته الجنة
وافتكروا مهما حييت هتعيش وتتهنا
وتنول رضا مولاك فوق اللي تتمناه



وحسن العشرة دي وصاك بيها رسول الله
عدل وصبر شفقة ورحمة ولين وأمان
واللي بيعمل سنة سيده قول يا هناه
جوة الجنة ويا صحابته هتتلقاه


واوعاك تيجي في يوم تسألها حقي فين
حقك دوا انت يا خويا جبته منين
ياللي قريتلك آية وحكمة على حديثين
اسمع يا بني مني نصيحة لوجه الله


اعمل واجبك واكتر حبة بالمعروف
يوصل حقك واكتر منه بكرة تشوف
وتعلي دينك وتبقى بالحق شغوف
وارضوا بدينكم الحب الاصلي مادام ف الله



وارضي حماتك ترضي مراتك ترضي أبوك
واكرم أهلها تكرم أهلك واللي جابوك
اسمع يا بني مادام حبيتهم هيحبوك
أصل الحب دا من اسلامنا اتعلمناه


وانتي يا ستي دولة وصايا خديهم ليكي
دينك قالك لجوزك وبيتك حق عليكي
كوني عبدة يكونلك عبد ما بين ايديكي
وارضوا بدينكم الحب الاصلي مادام ف الله



وخلي حياتك وقف لجوزك ولأولادك
واوعكي تسمعي كل كلام يقولوه حسادك
بيتك يا بنتي جهادك واستشهادك
مهما قالوا ووجعوا دماغك بالمساواة


لما انهزموا ف كل ميدان دخلوه اعداءنا
كانت الخطة بمكر وخسة فساد أخلاقنا
هدموا بيوتناوفسدوا شبابنا وعروا نساءنا
واحنا أهوه رجعنا خطوة بخطوة يا حول الله



[....]