الأربعاء، 7 أبريل، 2010

سنة تانية تدوين -- مدونتي العزيزة كل سنة وانتي طيبة

http://ainblog.com/wp-content/uploads/2008/09/writing-tablet.jpg

السلام عليكم

ياااه

مرت سنتين في عمر هذه المدونة المتواضعة
التي أعتبرها وان بعدت عنها أياما ..مملكتي

أعبر فيها عن أفكاري ومشاعري وأحداث مررت بها

يا الله
كم تمر الايام سريعا
وأرجع بذاكرتي الى سنتين من الآن
حينما كنت في السنة الرابعة في كلية الطب
وفي مطلع شهر ابريل
كنت أتطلع الى التدوين
وحاسس ان عندي حاجات كتيرة في دماغي ولازم أكتبها
وأعبر عن اللي جوايا
ولا أنسى ان أتوجه بالشكر الى أخي الكبير
الدكتور محمد أبو زيد
صاحب مدونة دكتور حر
هو صاحب الفضل عليا في ذلك الامر

وعدت سنتين
وأصبح للمدونة (ضكتور جدا) أختين صغيريتين لها
وهي مدونة
(نص الدين)
وأختها التي ولدت منذ أيام معدودة
(شبكة صوتنا للفن الهادف)


مدونتي العزيزة
أحيانا ابتعد عنك كثيرا وهذا ليس جفاء ولكن انشغال ليس بيدي
ولكن عندما يخف العمل وتزول الانشغالات
أعود اليكي
تداعب أناملي لوحة كيبوردي
وأكتب ما بقلبي

مدونتي العزيزة
لا أنسى لك الفضل في تدريبي على الكتابة
فلم أكن أتوقع في يوم من الايام أن أكتب مواضييع وأنشر بوستات
ولا انسى لكي الفضل في التعرف على مدونين متميزين تعلمت منهم الكثير
ولا أنسى لكي الفضل في نشر بعض تسجيلاتي وبعض أعمالي الفنية المتواضعة
ولا انسى لكي الفضل في نشر الفن الهادف


مدونتي العزيزة
كل سنة وأنتي طيبة
مرت سنتين على عمرك
وعقبال 20 سنة


تعليقات: 25

مشخبطاتي يقول...

ماشاء الله..إيه جو الحب دا..انت بتكلم المدونة ولا حد تاني؟!
:D

بالتوفيق دائمًا وإلى الأمام..وربنا يجعل التدوين وسيلة للجنة :)

ضكـــــتور جدا يقول...

هههههههههههههه

ربنا يكرمك يا مشخبطاتي
طبعا بتكلم عن المدونة امال ايه يعني ؟!!
نورتني يا فندم

جمعاوى يقول...

إشمعنى عشرين يعنى يا حاج

:)


خليهم 30 إشمعنى هو

!!

A32L MaGNoNa يقول...

ياسلام ياسلام
اجيبلكو شجرة واتنين لمون :D
ربنا يخليكو لبعض ياسيدي
وعقبال مليون سنة في تدوين هادف وناجح ان شاء الله

عن جد شو حلوة مدونتك " حبة لبناني اهو "

تقبل مروري الاول وان شاء الله مينفعش يكون الاخير

دايما علي قلب المدونة الجميلة دي ^_^

كل سنة وانتو الاتنين طيبين

ضكـــــتور جدا يقول...

جمعاوي حبيب قلبي

ربنا يكرمك

وبعدين 30 دول كتير اوي
والافترا وحش

ضكـــــتور جدا يقول...

أعقل مجنونة

نورتي المدونة يا فندم
وشكرا على المرور

غير معرف يقول...

عليا بخمسين سنه كمان
يارب يارب يارب يادكتور
تبقى مدونتك ليك وحاجه كده تضئ ليك اعمالك يوم القيامه
وتبقى اضافه هى واخواتها
يتربوا فى عزك الباقيين والى الامام
بس كفايه3 عشان تقدر تربيهم.
مع تحياتى تيك كير

ضكـــــتور جدا يقول...

تيك كير
يارب يا فندم
وشكرا على الاطراء الذي لا أستحقه

Sonnet يقول...

مبروك يا دكترة
و مبروك الاختين الصغيرتين للمدونة
موفق دوما

ضكـــــتور جدا يقول...

الله يبارك في حضرتك يا دكتورة
ربنا يحفظكم
تشرفت بمروركم

ريمان يقول...

20 سنه ايه بس

قول عقبال 100 سنة


كل سنه وانت منور مدونتك


تحياتى

نهــــــــــار يقول...

السلام عليكم...
الله يبارك لك في مدونتك أخي وتكون دوما في مايرضي الله ...
..
دمت بخير

اقصوصه يقول...

كل سنه والمدونه وصاحب المدونه

بالف الف خير :)

mo7ba elebda3 يقول...

كل سنة ومدونتكم العزيزة عليكم باثراء واضح .. وعمل هادف .. ووضوح الرسالة .. وايصال للفكرة ..

وان شاء الله نسمع عنها انها من افضل المدونات على مستوى العالم ..



وسؤال صغنون على جنب : اشمعنى 20 سنة .. هو بعد كده حيوقفوا التدوين ولا ايه ؟؟!!

مشتاقه للجنه يقول...

السلام عليكم

مبروك عامين على عمر المدونه
ويارب دايما فى تقدم وفى ميزان حسناتكم

تحياتى

زهرة(جنى)الاسلام يقول...

السلام عليكم
كل سنة والمدونة طيبة
وبجد مدونة شبكة صوتنا
انقذتنى فجزاك الله خيرا عليها
والى الامام دائما

ضكـــــتور جدا يقول...

ريمان
وحضرتك طيبة
وشكرا على المرور

ضكـــــتور جدا يقول...

نهار
وعليكم السلام
شكرا على الكلام الجميل
وربنا يحفظكم

ضكـــــتور جدا يقول...

اقصوصة
وحضرتك طيبة ونورتوا المدونة

ضكـــــتور جدا يقول...

محبة الابداع
شكرا على الكلام الجميل
وحضرتك نورتي المدونة
وحكاية عشرين سنة دي ...مش عارف
انا قولت كدة وخلاص
ممكن يكون سنتين في عشرة يبقى عشرين
اهوة كلام وخلاص

ضكـــــتور جدا يقول...

مشتافة للجنة
وعليكم السلام
وحضرتك طيبة
ربنا يكرمكم

ضكـــــتور جدا يقول...

زهرة الاسلام
تشرفت بمروكم وكلامكم الجميل
ربنا يحفظكم

كلمات من نور يقول...

كل عام و أنت إلى الله أقرب ولطاعته أدوم وعقبال اليوبيل الفضي والذهبي بس بس 20 سنة ..بارك الله فيك يا دكتورنا الطيب و أعزك ووفقك لما يحب وبرضى...تحياتي

ضكـــــتور جدا يقول...

ربنا يكرمك يا فندم
وشكرا على الكلام الرقيق

د/عرفه يقول...

كل سنة والمدونة طيبة

وعقبال مليون سنة تدوين فى الخير دايما ان شاء الله