دليلك الشامل لكل ما يدور في غزة في 29 نقطة مختصرة

في 29 نقطة .. دليلك لفهم شامل لكل ما دار و يدور في غزة ..

بقلم حسام مجدي
طويلة شوية ... بس تستحق تاخد من وقتك عشان تفهم فهم دقيق كل خلفيات اللي بيحصل ...
1- حماس بتعتبر بالنسبة لإسرائيل حركة إرهابية .. و ده لسبب واحد بس زي ما وضح نتنياهو قبل كده .. عدم الاعتراف بدولة إسرائيل .. و إن ده السبب في الاعتراف بحركة فتح و أبو مازن اللي بيعترفوا بإسرائيل ككيان له حق الوجود .. http://tinyurl.com/pqhgm2u  

2- بسبب فوز حماس في الانتخابات في 2006 ... تم فرض حصار على غزة .. http://tinyurl.com/5je2el و بعيدًا عن تطورات ذلك الحصار .. فدي قائمة الممنوعات على الفلسطينيين تتضمن كل الحاجات الضرورية اللي محتجاها أي سلطة أو أي بني آدم عشان يعيش .. مصر مشاركة في حصار بيمنع غزة من قائمة في مطلعها "الشيكولاته" و الجرائد و أجهزة اللابتوب.... مرورا بالأسمنت و السلك و مواد بلاستك و المواد العازلة و اي حاجة ممكن تستخدم في البناء، و أي حيوانات ممكن يربوها عشان تتاكل(غنم و فراخ.. إلخ).
القايمة كاملة هنا:   http://tinyurl.com/2clvkku
 
3- بسبب الحصار ده تم حفر الأنفاق .. لإدخال الحاجات دي و إدخال السلاح اللي يقدروا يقاوموا بيه الصهاينة في حالة نشوب حرب ضد المقاومة .. طبعًا قطاع صغير بالإمكانيات دي معندوش إمكانية تصنيع أي حاجة جواه و معندوش إمكانية إدخال الخامات حتى .. 

4- مع تغير السلطة فمصر من مبارك إلى مرسي أصبح الدعم لحركة حماس أوضح .. و بسبب اتفاقية كامب ديفيد اقتصر دعم الفلسطينيين على تهيئة الدعم اللوجيستي عن طريق الأنفاق .. و رغم كده فالجيش رفض ده بحجة تصدير الإرهاب في سيناء - رغم أنه حتى الآن مفيش دليل مادي واحد على ده - و قام بهدم بعض الأنفاق على شريط الحدود .. و طبعًا مرسي بسبب ضعفه مكنش عنده القدرة على الوقوف ضد ده .. http://tinyurl.com/qcu29j8
 
5- مع تغير السلطة في مصر من مرسي إلى السيسي تمت عمليات موسعة لتهجير أهالي القرى الحدودية مع غزة و هدم الأنفاق كلها و إقامة منطقة عزالة بين غزة و الحدود المصرية .. مما ساهم في تشديد الحصار على غزة أكثر و أكثر .. و أصبحت الحياة في غزة كأصعب ما يكون منذ 5 سنوات .. http://tinyurl.com/ouo2l5x http://tinyurl.com/pwonguk

6- حماس أعلنت أنها هتسعى لاتفاق مصالحة مع الفصائل الفلسطينية كلها .. و أنها تشكل حكومة تكنوقراط ميبقاش لحماس فيها سوى 5 وزراء ملهمش أهمية تنفيذية http://tinyurl.com/n8xj3ba ... و الانتخابات دي تخوضها كل الفصائل الفلسطينية التانية بحيث تيجي سلطة موحدة لقطاع غزة و الضفة .. و ده طبعًا عشان رفع الحصار و تجنيب أي ويلات للحرب على غزة .. نص الاتفاقية : http://tinyurl.com/lga9oqx
 
7- جن جنون إسرائيل .. لأن اتفاقية زي دي هتعزز التوحد الفلسطيني على المدى البعيد .. فحتى لو فازت حكومة أبو مازن أو كان التيار الغالب متصالح مع إسرائيل فإن ذلك لا يضمن أن تكون الانتخابات القادمة على نفس الدرجة .. كما أن الانقسام الفلسطيني يعزز من فرص إسرائيل في التعنت في أي مفاوضات بينهم و بين الفلسطينيين .. http://tinyurl.com/l5rg4yx


8- قامت إسرائيل بمنع وصول أي أموال سائلة لقطاع غزة و منع دفع رواتب الموظفين بها مع تخفيض نقود الضرائب المحولة من السلطة الفلسطينية .. بالإضافة لمنع وزراء قطاع غزة من الذهاب للضفة و العكس .. و كل ده بغرض الضغط لطرد حماس من أي اتفاقية فلسطينية .. و بكده زاد الحصار أكثر على القطاع .. http://tinyurl.com/n8xj3ba
 
9- قامت إسرائيل بمحاولات متعددة لاستفزاز حماس عن طريق محاولات اغتيال لعدد من العناصر الخاصة بالحركة داخل قطاع غزة في الفترة من إبريل لغاية يونيو 2014 .. و رغم ذلك حماس لم تقم بخرق الهدنة و لم ترد على الاعتداءات .. و ده موقع إسرائيلي بيوثق الحملات الأمنية على غزة و الضفة بيشرح العمليات دي http://tinyurl.com/mx4k7to
 

10- حدث بعد كده إن إسرائيل اتخطفلها 3 مستوطنين في مستوطنة بجانب الضفة - مش غزة .. إسرائيل اتهمت حماس بخطفهم رغم إن مفيش أي دليل على ده .. و قاموا باعتقال عدد من الأعضاء بحركة حماس بالضفة و بعض المحررين في إتفاقية 2012 في انتهاك صريح للهدنة مع حماس http://tinyurl.com/nw6nsqw
 
11- إسرائيل عثرت على جثثهم مدفونة في الضفة - مش غزة .. راحت متهمة حماس ! .. رغم إن الجثث في الصفة .. و رغم إن حماس مبتقتلش الأسرى خالص لأنهم بيبادلوهم دايمًا بمساجين فلسطينيين .. فمستحيل يقتلوهم لأنهم بالنسبة لهم كنز ! ..

12- حصلت مواجهات عنيفة مع الشرطة الإسرائيلية في الضفة و بعدها في القدس على أثر قتل الطفل الفلسطيني أبو خضير من حي شعفاط .. و تزايدت المواجهات ما بين شرطة الاحتلال و المتظاهرين في الضفة و القدس بما سماه البعض انتفاضة جديدة .. و انتهكت الشرطة الإسرائيلية العديد من مواثيق حقوق الإنسان في ردها على تلك المظاهرات و اتقتل أكثر من شاب فلسطيني و اتسعت نطاق المواجهات بما يشبه ما سماه البعض بانتفاضة ثالثة .. http://tinyurl.com/m27rbar http://tinyurl.com/lo5h6zf http://tinyurl.com/kvktd6j

13- حماس بجناحها العسكري مردتش من بداية الأحداث و أعلنت عدم مسئوليتها عن اللي حصل و إن إسرائيل بتخرق الهدنة .. وكان أول رد من كتائب و حركات أخرى بقصف صاروخي على المستوطنات .. http://tinyurl.com/psvtreg

14- إسرائيل بدأت تصعد في الضرب على أهداف في غزة .. فحماس بدأت تضرب بصواريخ عشان ترفع كلفة المعتدي و تخلّيه يتراجع عن قرار الحرب ..

15- بدأت عملية الجرف الصامد يوم 8 يوليو و على مدار أكثر من يوم .. وبدأ الرد الشامل من حماس .. صواريخ المقاومة وصلت لتل أبيب و القدس .. و دمرت حاجات كتير + تدمير موسم السياحة في إسرائيل و إغلاق مطار بن جوريون كذا يوم ! .. ده غير العمليات خلف خطوط العدو عن طريق الأنفاق ..

16- إسرائيل قررت في أول العملية أنها هتقضي على حركة حماس .. و بعدين خفضت سقف التوقعات و قالت إنها هتعمل عملية برية في غزة بغرضين بس .. نزع سلاح المقاومة و هدم الأنفاق كلها ..

17- نظرًا لارتفاع كلفة الاعتداء على غزة في الجانب الإسرائيلي و ارتفاع عدد القتلى في الجيش الإسرائيلي .. نزل السيسي باتفاقية اعترف الصهاينة نفسهم أنها تمت بالتنسيق مع نتنياهو و السيسي .. http://tinyurl.com/mbsm7xg

18- المعاهدة بتضمن إن أي إيقاف لضرب النار بشكل شامل هيبقى من جانب واحد بس .. و هوه حماس .. إزاي ؟! .. فيه بند بيتكلم عن إيقاف كافة الأعمال العدائية ضد غزة مع عدم استهداف المدنيين .. البند ده متكلمش عن استهداف العسكريين من حماس و عمليات خطف المحررين من سجون إسرائيل حسب اتفاقية 2012 .. يعني إسرائيل تفضل مستمرة في اغتيال و خطف القساميون بعمليات نوعية مع وقف كل الأعمال ضد المدنيين .. و لو حماس حاولت ترد على ضرب المقاومة طبعًا هيبقى خرق للهدنة .. و عشان تتأكد راجع نفس البند في اتفاقية 2012 هتلاقي زايد عليه نقطة عدم استهداف أي أشخاص لحماس بجانب المدنيين .. و دي تم حذفها في مبادرة السيسي .. ده إلى جانب منع الاجتياح البري من إسرائيل في مقابل وقف هجمات الحدود ! .. بما معناه إن الهجمات الخاطفة على الحدود ضد عناصر القسام من إسرائيل مسموح بيها لكن القسام مش مسموح ليها تعمل كده في العسكريين الصهاينة .. (( اللينكات بعد النقطة الــ 19 ))

19- المبادرة بتشترط إن فك الحصار (( المعابر فقط )) هيبقى في حالة استقرار الأوضاع على الأرض .. طبعًا ده مخالف لاتفاقية مرسي إللي قالت بمجرد إيقاف إطلاق النار .. و السؤال اللي يبرز هنا ... لو الاتفاقية بتاعت السيسي بتقول إيقاف إطلاق النار في خلال 24 ساعة .. يبقى يقصد إيه برهن فتح المعبر باستقرار الأوضاع ؟! .. إذا كان إطلاق النار متوقف أصلًا ! .. يعني الأوضاع المفترض انها مستقرة ! .. عرفنا من الإعلام الإسرائيلي و تصريحات المسئولين الصهاينة + مسئولي حركة حماس إن " استقرار " الأوضاع معناها نزع سلاح المقاومة + تسليم السلطة لعباس ... يعني مبادرة السيسي بتقول للفلسطينيين صراحة : لو منزعتوش سلاح المقاومة كلّه هيستمر الحصار في ظل تلك الأوضاع الدموية و الحاجة الماسة لإعادة تعمير غزة و العلاج و المأكل و المشرب و انقطاع الكهرباء ! ... يعني موت بالبطيء ... طبعًا ده مستحيل يتم قبوله .. و الفصائل الفلسطينية اللي بتشارك في عملياتها إلى جانب القسام زي الجهاد و زي الكتائب الشعبية رفضت ده رفضًا باتًا من قبل حتى ما حماس تطلّع تصريحها .. لاحقًا هنية و مشعل طلعوا في خطاب بيقولوا فيه إن نزع سلاح المقاومة مستحيل و لن يكون على طاولة المفاوضات أصلًا .. و أنها لن تقبل بذلك .. لو كانت قبلت بده و قعدت تتفاوض فده وأد للقضية الفلسطينية من أساسها .. (( اللينكات بعد النقطة الــ 19 ))

20- المضحك بقى إن المبادرة بتاعت السيسي مذكرتش حماس كطرف مفاوض .. و تأكَّد بعد كده إن المفاوضات هتبقى ما بين فتح و إسرائيل .. و إن قبول حماس بتوقف إطلاق النار معناها إنها هتقبل بكل ما يتوصل إليه وفد " عباس " ! .. و فتح - " عباس " - مش طرف أصلًا ! .. يعني حتى حماس مش هتعرف تعمل أي مناورة بأنها تقبل مثلًا وقف إطلاق النار و تقول ماشي و بعدين ترفض التفاوض عشان تكسب وقت و تقلل عدد القتلى .. لا ... لو وافقوا .. يبقوا ساعتها بيعلنوا موافقتهم على تفويض عباس بالتفاوض نيابة عنهم .. و عباس أصلًا بصفته عميل قذر عايز ينزع سلاح المقاومة تمامًا و يخللي المعابر تحت إدارته و غزة كلها .. يعني تسليم المقاومة تسليم أهالي ! .. ده فيديو مهم جدًا عن عمالة فتح و السلطة الفلسطينية و على رأسها عباس http://tinyurl.com/ngfv5tj بيقول بالحرف : الدور "الوحيد" لكل أجهزة السلطة الفلسطينية الأمنية و شغلها الشاغل هو حماية أمن إسرائيل و منع تهريب السلاح أو استخدامه و لا أخفي سرا أن هذا يتم بالتنسيق الأمني الكامل مع إسرائيل وأمريكا ! .. و ده فيديو تاني بيوضح سياسة فتح بصفة عامة http://tinyurl.com/oclwmed

21- لكل النقاط السابقة رفضت حماس وقف إطلاق النار .. لأن ده معناه إنها تختار ما بين موت المقاومة تمامًا و ما بين توقف العدوان .. و حتى إيقاف إطلاق النار بشكل مؤقت و دخول المفاوضات " كمناورة " مكنش متاح لأنهم مكنوش الطرف اللي هيتفاوض ! .. و كانوا هيبقوا ملزمين وقتها بقبول ما توصلت إليه فتح و إسرائيل .. إللي همه أصلًا عيلة فبعض ..
* يرجى قراءة تعليقي على المبادرتين و بنودهم كاملة من هنا http://tinyurl.com/kzgy8ml (( بنود المبادريتين و تعليقي عليهما ))
* فيديوهات بتبين أغراض إسرائيل من مبادرة السيسي و تنسيقه معها و تحالفه معها لإحراج المقاومة أو نزع سلاحها و حصارها .. مهمة جدًا و لازم تتشاف .. كلها من قنوات إسرائيلية و متحدثين رسميين و محللين صهاينة ..
- http://tinyurl.com/odcbnbc آڤي ديختر ، الرئيس السابق لجهاز الأمن لداخلي الإسرائيلي المعروف باسم الشين بيت : خيارنا الأول والثاني والثالث هو أن تساعدنا مصر في التخلص من أسلحة حماس ..
- http://tinyurl.com/lr9rnzd لقاء خاص مع محللين و عسكريين إسرائيليين بقناة I24 الاسرائيلية يتحدثون فيها عن الدور المصري و السيسي الذي فعل كل ما هو مطلوب منه ! ..
- http://tinyurl.com/qbrygpx عضو الكونجرس الأمريكي جيمس إنهوف ، والمؤيد بشدة للكيان الصهيوني في جلسة الكونجرس يوم ٣٠ يوليو ٢٠١٤ .. فيديو مهم جدًا بيشرح بالضبط السيسي بيعمل إيه بخصوص غزة .. لازم يتشاف !

22- بعد قرار رفض المبادرة المصرية و عدم وقف إطلاق النار .. أعلنت حماس مبادرتها الخاصة .. و اللي بتتلخص في الآتي :- رفع الحصار كاملًا عن غزة برًا و بحرًا و جوًا و دون شروط .. عمل ميناء و مطار داخل غزة لضمان ذلك .. زيادة مساحة الصيد في البحر لــ 12كيلو .. وأن التفاوض لن يتم عن طريق وسطاء فلسطينيين .. بل عن طريق وسيط مصري مباشرة مع حركة حماس .. و أعلنت أن بمجرد الاستجابة لتلك المبادرة ستقوم بوقف إطلاق النار .. طبعًا محدش يختلف على عدالة المطالب دي .. بس مصر رفضتها و رفض السيسي تغيير بنود مبادرته .. و استأنفت المقاومة عملياتها .. http://tinyurl.com/kvqmlzw

23- بدأ العالم يتحرك لعمل مبادرات مختلفة للضغط على مصر لتغيير مبادرتها المجحفة و التهديد بسحب البساط منها بصفتها مفاوضًا تاريخيًا بين إسرائيل و الفلسطينيين .. ممكن تشوف المبادرة القطرية التركية من هنا http://tinyurl.com/medl7gd .. مفيش أي فرق ما بينهم .. و أمريكا نزلت بمبادرتها الخاصة اللي متختلفش عن مبادرة مصر إلا في اللعب بالألفاظ ... مبادرة كيري بتنص على : " الاستجابة لمطالب إسرائيل الأمنية " .. نفس الفكرة .. فك الحصار مقابل إن إسرائيل تنزع السلاح و غيره .. http://tinyurl.com/kzks7mn .. و الواضح إن إسرائيل رفضتها بس عشان قيادة مصر متغضبش .. لأن مصر يهمها جدًا تستمر في دورها التاريخي كمفاوض وحيد بين الفلسطينيين و الإسرائيليين .. و حليفها السيسي أهم عندها دلوقتي من أمريكا .. لدرجة إن كيري أعلن المبادرة من مصر ظنًا منه إن كده أعطى مصر وضعها .. و عشان تعرف أهمية مصر عند إسرائيل في الفترة دي و اللي قد تتجاوز أهمية أمريكا تقدر تشوف خطاب نتنياهو لاحقًا و تعليق المتحدث الرسمي للحكومة الإسرائيلية عليه في حواره مع الجزيرة .. نتنياهو قال بالحرف في خطابه يوم 31/7 : " هناك درجة جديدة من التحالف الإقليمي تتشكل الآن في حربنا ضد غزة .. قد تدهش الكثيرين " .. و تكلم عنها بصفتها أحد مكاسب حرب غزة ! ..
فيديو السيسي " لا بديل عن المبادرة المصرية " : http://tinyurl.com/nodxtb6
الفيديوهات دي بقى مهمة أوي أوي عشان تعرف أهمية مصر بالنسبة لإسرائيل في حرب غزة إلى جانب الفيديوهات السابقة طبعًا ..
- تقرير مصور و مكتوب لقناة CBN عن تحالف نتنياهو الإقليمي الجديد و الذي يضم مصر و السعودية و دول الجوار http://tinyurl.com/ou2uk2u
Israeli Prime Minister Benjamin Netanyahu announced a new level of regional cooperation he said would surprise many. It would be a very important asset for the State of Israel, he said, and would open new possibilities when the campaign against Hamas ends.
- http://tinyurl.com/ps7m4b9 مذيع الجزيرة مع المتحدث الرسمي باسم الحكومة الإسرائيلية و حديثه عن تحالف إقليمي جديد مع إسرائيل ضد حماس .. (( يضم مصر و العرب طبعًا ))
- http://tinyurl.com/pagpec4 محلل سياسي على قناة I24 الإسرائيلية : التحالف مع السيسي هو الاستفادة الوحيدة حتى الآن من الحرب على غزة ..
- http://tinyurl.com/ode8utk سفير إسرائيل السابق بمصر يقارن بين سياسة مصر السيسي ومصر مبارك تجاه إسرائيل وحماس ..
- http://tinyurl.com/nqks8q7 المؤسستان السياسية والأمنية الإسرائيليتان : مصر تحمي ظهر إسرائيل ..

24- بالتوازي بدأت حملة صهيونية لتبرير ضرب المدنيين من جانب إسرائيل .. زي إن هيه اللي رفضت الوقف إطلاق النار من غير سبب .. و إن حماس بتتحامى في مدنيين في غزة .. رغم إن أي واحد يعرف ديموجرافية غزة هيعرف إن غزة مساحتها 360 كم مربع - القاهرة 1709 - فيها 2 مليون بني آدم .. يعني كل متر فيه حوالي 5 أشخاص ! .. و معندهمش ظهير صحراوي على الحدود يعملوا عملياتهم فيه بعيد عن المدنيين .. يعني من الآخر أي عمل مقاومة أو ضرب لازم هيتم في وسط غزة اللي مليان بالطبيعة بالمدنيين .. ده طبعًا غير استهدافهم للمستشفيات و الأونوروا و الملاجي الإنسانية اللي ملهاش علاقة بالمقاومة .. الأهم بقى من كل ده إن محدش ذكر إن إسرائيل نفسها كل آلياتها متمركزة وسط مدنيين و مساكن المستوطنين في المستوطنات المغتصبة .. و رايحها مدرعاتهم و جنودهم ليل نهار في وسط المدنيين في المستوطنات .. و عندما يتم قصف تلك الآليات في المستوطنات يتم ترويح الموضوع على أنه قصف للمدنيين ! .. شارك في الحملة دي إعلام مصر و سلطتها الصهيونية ! .. ممكن تشوف بنفسك مساحة غزة مقابل مساحة المستوطنات من هنا http://tinyurl.com/pe2yxcq ..

25- مع ازدياد خسائر إسرائيل العسكرية .. و فشلها التام في عمل أي اجتياح بري إلا من بضعة أمتار بالإضافة لفشلها في وقف الصواريخ و هدم الأنفاق .. و نجاحها الوحيد في ضرب المدنيين و المساكن بالطيران و المدفعية و الذي آذى صورتها بشدة في المجتمع الدولي .. قام السيسي بضغط من أمريكا و الدول الغربية بتعديل المبادرة .. و أيضًا بعد أن شعر بالتهديد من وجود مبادرات أخرى غير مبادرة مصر تنزع من مصر البساط .. و قام بتعديلها بحيث لا يُشترط نزع سلاح المقاومة كشرط أصيل لرفع الحصار و ترك مسألة رفع الحصار للتفاوض حول شروطه و آلياته في القاهرة .. أن يقوم وفد من حماس بالتفاوض مباشرة في القاهرة مع الوفد الإسرائيلي كي يكون قرار حماس نابعًا من التزاماتها تجاه القضية الفلسطينية .. الفيديو ده بيوضح المسألة دي http://tinyurl.com/m2eqqzu .. و ده فيديو لبان كي مون بيدين قصف إسرائيل للمدنيين و اللي ساهم في إحراج إسرائيل أكثر http://tinyurl.com/m2mjftt

26- وافقت حماس على المبادرة باعتبارها مختلفة تمامًا عن سابقتها .. و قامت بإيفاد وفد من الجهاد و حماس و فصائل أخرى إلى القاهرة للتفاوض .. تم سحب الآليات الإسرائيلية لكن الوفد الإسرائيلي رفض الحضور في البداية لأنهم يعتبرون حركتي الجهاد و حماس حركتين إرهابييتين .. و جلوسهم معهم يعتبر اعترافًا منهم بشرعيتهما .. و بعدين امبارح جم في زيارة قصيرة - بعد ضغوط - مقابلوش فيها غير الجانب المصري ..

27- حتى الآن مفيش خبر أكيد عن نتيجة المفاوضات .. لكن حماس مقدمهاش بديل غير رفع نهائي للحصار .. لأن عدم رفع الحصار هيؤدي لكارثة إنسانية في غزة بالإضافة لأن التنازل عن وجود ميناء و مطار هيؤدي إن إسرايل ممكن تكرر ده مرة و اتنين كل كام سنة عشان تضعف غزة .. و بعدين تسمحلهم بالبناء عن طريق فتح صوري للمعابر .. و هكذا ! ..

28- في كلام تم تسريبه النهاردة الصبح عن اللي حصل في التفاوض .. ممكن تقرأوه من هنا .. إسرائيل موقفها متعنت جدًا و الظاهر أنهم ناويين المرادي القضاء على المقاومة نهائيًا بالتجويع الحقيقي و الحصار التام بعد فشل الحصار الجزئي على مدار سنوات و فشل الحل العسكري .. أقرأوا الكلام من هنا .. http://tinyurl.com/lazguml
29- حماس مستعدة لاستئناف القتال كحل وحيد في حالة فشل مفاوضات رفع الحصار .. علمًا بأن السيسي يملك فك الحصار بفتح المعبر تمامًا .. ممكن تشوفوا تصريح القسّام من هنا : http://tinyurl.com/m55x523
ده تلخيص لكل اللي حصل على مدار الأيام اللي فاتت ..