الأربعاء، 16 يونيو 2010

علموهم قبل ما يتعبوكم


السلام عليكم

ايه رأيكم ف الصورة اللي فوق دي ؟

الصورة دي ف المسجد اللي بصلي فيه
الصورة ببساطة أب بيصلي سنة العشاء وبجواره ابنه الذي يقلده حركات الصلاة
مشهد نشاهده كثيرا في مساجدنا

ولكن دعونا نعمم الفكرة
ابن بيقلد أبوه في كل شئ
في مرحلة النقش على الحجر كما يقولون

لو الابن شاف ابوه بيصلي
هيتعود على الصلاة لغاية لما تبقى حاجة أساسية ف حياته

لو شافه بيعطف على الفقير ويتصدق
هيكبر وهيكون الجود والكرم في طبعه

لو شاف أبوه بيحب أمه وبيعاملها بكل حب وود
هيكبر في جو صحي ايماني رائع ملئ بالحب
وهذا الحب سيفيض به على من حوله
لأنه تشبع بهذا المعنى الرائع


وعلى الجانب الآخر

لو شاف الابن أبوه وهو لا يصلي
هيطلع والصلاة لا تمثل له شئ
سوى أنها عادات بعض الناس !

لو شاف أبوه يشرب سيجارة
هيحب يجرب وللأسف حالات كتيرة جدا من المدمنين كانت بدايتهم
أنه شاف أبوه وهو ماسك سيجارة وحب يجرب

لو شاف أبوه يهين أمه وبيوريها الويل
هينشأ ف بيئة غير صحية
لم يذق طعم الحب وبالتالي
سيعيش انسان معادي لغيره
أو على الاقل شعوره ونفسيته غير منضبطة



دي حاجة شخصية !

تعالوا أحكيلوا حكاية غريبة
كنت ف مؤتمر ف القاهرة
وكان معي أخويا سعيد
وقابلنا أحد الشباب وتحدث مع أخويا سعيد
بحوار بدأ بالتعارف وسار الحوار عن أحوال بلدنا ومستقبلنا
واتجه الحوار الى الدين
وسأله سعيد : انت بتصلي يا فلان ؟!!
رد قائلا : ايه السؤال الغريب ده
وفكر سعيد الطيب صاحب القلب الابيض أنه المفروض أي مسلم انه يحافظ على الصلاة
أصل هو اتعلم من صغره ان ألف باء اسلام هي الصلاة
فرد الشاب : دي حاجة شخصية اعملها أو معملهاش !
وبعدين انت مالك انت
اذا كان أبويا عمري ما قالي تعالى نصلي مرة !

سبحان الله
وينشا ناشئ الفتيان منا
على ما كان عوده أبوه


يا أباء يا أمهات
كم من عادات جميلة تعلمتوها من آبائكم وأمهاتكم بمجرد النظر
يعلم الله
مازالت بعض المشاهد وكاني أراها الآن منذ ان كنت صغير
لا تزال آيات معينة من القرآن أحفظها عن ظهر قلب ولم أنسها ولن انساها ان شاء الله
والسبب اني سمعتها مرات ومرات من أبي رحمه الله
كان يرتل القرآن ويترنم بآياته بصوته العذب الجميل بعد صلاة الفجر
الذي ينزل على قلبي الذي كان قلبا صغيرا خاليا كقلب أي طفل


عسى أن احفظ فيك !
نسمع كثيرا عن البر بالأباء
ولا نكاد نسمع عن بر الآباء للأبناء

تعالوا نسمع تلك القصة الرائعة
كان أحد الصالحين يقيم الليل كثيرا
وكان يرقد بجواره ابنه
فكان يقول له
والله لأقومن الليل وأجهد نفسي في الطاعة عسى أن أحفظ فيك يا بنى

فعلى قدر طاعة الاباء وقربهم من الله
سيكون الابناء
(( وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا))

ويبقى سؤال
أتمنى مشاركتي فيه

ما هي أفضل الاشياء التي تعلمتها من أهلك بمجرد النظر الي أفعالهم ؟

تعليقات: 10

(ست* جنى* الحسن) يقول...

سلامو عليكو..
جزاك الله كل خير .
فعلا موضوع مهم وتذكرة لكل اب وام.
اللهم اجعله فى ميزان حسناتك.
لك خالص تحياتى

Sonnet يقول...

الله يوفقك و يكرمك على هذه الأفكار
***
ذاكر كويس

المجاهد الصغير يقول...

السلام عليكم
جزاكم الله خيرا
من شب على شئ شاب عليه
حتى بعدمايكبروغرته الحياه يرجع بسرعه على الى متربى عليه
وفقكم الله

ماجد العياطي يقول...

جزاكم الله خيرا

انا هشاركك في السؤال

واقول

اكتر حاجه اتعلمتها من ابويا اني ابوس ايد امي

كل ما ادخل البيت

كانت اكتر حاجه بشوفها منه

مشروع دكتور يقول...

من ابى بصراحه
اتعملت اكون اخر كرم وجدعنه وخاصه لما الاقى واحده زميلتنا مغتربه
وغريبه عن محافظتنا
يبقى لازم اقوم بالواجب,لان احساس الغربه وحش
والقراءه,لله الحمد لو لم اخد من الدنيا اى شئ من الوالد ولو بالوراثه يبقى
بكافيه كتب المكتبه وخاصه انها كبيره وجميله وغنيه وغاليه جدا الان لو فكرت اشتريها
من امى اهتمام فظييييع بالاطمئنان على الاخوه والاهل والاقارب والتجمعات الاسريه وخاصه فى الاعياد.الاهتمام بالتنظيف كل يوم ,لكن يبقى الاهم لاتعلمه من امى كميه التضحيه والايثار فى كل شئ اموت واعرف الامهات بتجيبها ازاى كده بسهوله

تبقى الفكره عامه ويختلف التطبيق اريد واحب التطبيق بس باسلوب مختلف

تعليق صغير وانا صغيره كنت اموت واقرب من بابا وهو بيقرا قران بعد العصر
بعدها لاحظنى احب اقرا فاحضر لى مصحف كبيره بالنسبه لحجمى وانا صغيره
بعدين عمل فكره حلوه اوى
بقينا نحفظ القران جزء عم ونقراءه ويسجل كل هذا بصوتنا على شريط كاسيت
يوجد الان شريط لنا بصوتنا واحنا صغيرين وبنحفظ وبنغلط برضه
ليذكرنى هذا بالماضى الجميل
توبيك جميل ودمتم بود

ضكـــــتور جدا يقول...

ست* جنى* الحسن) يقول...

سلامو عليكو..
جزاك الله كل خير .
فعلا موضوع مهم وتذكرة لكل اب وام.
اللهم اجعله فى ميزان حسناتك.
لك خالص تحياتى
........................
وعليكم السلامست الحسن جنى
وجزانا واياكم
وربنا يتقبل ان شاء الله
ويارب الأباء ياخدوا بالهم من كدة

ضكـــــتور جدا يقول...

Sonnet يقول...

الله يوفقك و يكرمك على هذه الأفكار
***
ذاكر كويس
.................
ربنا يكرمك دكتورة ايمان
والله بذاكر الحمد لله
وربنا ييسر الحال السنة دي

ضكـــــتور جدا يقول...

المجاهد الصغير يقول...

السلام عليكم
جزاكم الله خيرا
من شب على شئ شاب عليه
حتى بعدمايكبروغرته الحياه يرجع بسرعه على الى متربى عليه
وفقكم الله
............................
وعليكم السلام المجاهد الصغير
وجزانا واياكم
صحيح عنك حق
وربنا يكرمكم

ضكـــــتور جدا يقول...

ماجد العياطي يقول...

جزاكم الله خيرا

انا هشاركك في السؤال

واقول

اكتر حاجه اتعلمتها من ابويا اني ابوس ايد امي

كل ما ادخل البيت

كانت اكتر حاجه بشوفها منه

................زز
ماجد العياط
ربنا يكرمك ويعينك على بر أمك
ربنا يكرمك

ضكـــــتور جدا يقول...

مشروع دكتور يقول...

من ابى بصراحه
اتعملت اكون اخر كرم وجدعنه وخاصه لما الاقى واحده زميلتنا مغتربه
وغريبه عن محافظتنا
يبقى لازم اقوم بالواجب,لان احساس الغربه وحش
والقراءه,لله الحمد لو لم اخد من الدنيا اى شئ من الوالد ولو بالوراثه يبقى
بكافيه كتب المكتبه وخاصه انها كبيره وجميله وغنيه وغاليه جدا الان لو فكرت اشتريها
من امى اهتمام فظييييع بالاطمئنان على الاخوه والاهل والاقارب والتجمعات الاسريه وخاصه فى الاعياد.الاهتمام بالتنظيف كل يوم ,لكن يبقى الاهم لاتعلمه من امى كميه التضحيه والايثار فى كل شئ اموت واعرف الامهات بتجيبها ازاى كده بسهوله

تبقى الفكره عامه ويختلف التطبيق اريد واحب التطبيق بس باسلوب مختلف

تعليق صغير وانا صغيره كنت اموت واقرب من بابا وهو بيقرا قران بعد العصر
بعدها لاحظنى احب اقرا فاحضر لى مصحف كبيره بالنسبه لحجمى وانا صغيره
بعدين عمل فكره حلوه اوى
بقينا نحفظ القران جزء عم ونقراءه ويسجل كل هذا بصوتنا على شريط كاسيت
يوجد الان شريط لنا بصوتنا واحنا صغيرين وبنحفظ وبنغلط برضه
ليذكرنى هذا بالماضى الجميل
توبيك جميل ودمتم بود
.....................
ما شاء الله
ربنا يبارك فيكم ويبارك ف الوالد والوالدة
وجميل موضوع الشريط ده
أبويا عمل معايا كدة برضه